Foto: Úkimet, telegram
«Memleket basshysy ótken aptada ekonomıkalyq damý sapasyn arttyrý máselelerine arnalǵan keńeste makroekonomıkalyq turaqtylyqty nyǵaıtý, azamattardyń ál-aýqatyn kóterý jáne ınflıasııa deńgeıin tómendetý sharalaryn qabyldaýdy tapsyrdy. Prezıdent halyqtyń tabysyn jaqsartýda sannan sapaǵa kóshýdiń mańyzdy ekenin atap ótti», dedi Oljas Bektenov.
Úkimettiń baspasóz qyzmetiniń málimdeýinshe Úkimet otyrysynda Ulttyq ekonomıka vıse-mınıstri Azamat Ámrın bıylǵy 9 aıdyń qorytyndysy boıynsha ekonomıkanyń ósýi 6,3%-y quraǵanyn atap ótti. Sonyń ishinde, naqty sektordaǵy ósim 8,1%-dy qurady, qyzmetter óndirisi 5,3%-ǵa ósti.
Salalar arasynda kólik qyzmetteri (ósim 21,2%-ǵa), qurylys (14,9%-ǵa) jáne taý-ken ónerkásibi (9,3%-ǵa) eń joǵary ósim kórsetti.
«Saýda 8,8%-ǵa, óńdeý ónerkásibi 6,2%-ǵa, aýyl sharýashylyǵy 4,4%-ǵa ósti. JIО́ ósiminiń 70%-dan astamyn ónerkásip, saýda jáne kólik salalary qamtamasyz etti», dedi Azamat Ámrın.
Mınıstr sondaı-aq negizgi kapıtalǵa salynǵan ınvestısııalar 13,5%-ǵa ósip, 13,8 trln teńgeni quraǵanyn aıtty.
