Foto:Ashyq derekkóz
Qarjy mınıstri Mádı Takıevtiń aıtýynsha, bıyldan bastap kúshine engen «Memlekettik satyp alý týraly» jańa zań rásimderdi aıtarlyqtaı ońtaılandyryp, bıznestiń jumysyn jeńildetti. Buryn uzaq ýaqyt alatyn satyp alý prosesteri qazir qysqartylǵan jáne barynsha ashyq júrgiziledi. Sonymen qatar, zańǵa otandyq taýar óndirýshilerdi qoldaýǵa baǵyttalǵan jańa normalar engizilgen.
«Jyl basynan beri memlekettik satyp alý salasynda oń serpin baıqalady. 2025 jyldyń 9 aıynyń qorytyndysy boıynsha ótken jylmen salystyrǵanda jasalǵan sharttardyń jalpy somasy men otandyq óndirýshilerden satyp alý kólemi eki esege artty. Sharttar sany 28%-ǵa, onyń ishinde otandyq kásiporyndarmen jasalǵan kelisimder 30%-ǵa kóbeıdi. Al shaǵymdar sany 25%-ǵa azaıdy», dedi Mádı Takıev.
Mınıstrdiń aıtýynsha, memlekettik satyp alýlar júıesine jasandy ıntellekt elementteri engizilgen. Bul qural tıimdilikti arttyryp, bıýdjet qarajatyn únemdeýge múmkindik berdi. Nátıjesinde 781 mıllıard teńge kóleminde qarjy únemdelgen.
