Foto: egemen.kz/ Erlan Omar
Mınıstr jyl basynan beri qoldanysqa engen «Memlekettik satyp alý týraly» zańda buryn uzaqmerzimge sozylatyn satyp alý rásimderiniń merzimin qysqartýǵa basymdyq berilgenin aıtty.
«Nátıjesinde osy jyldyń 9 aıynyń qorytyndysy boıynsha ótken jyldyń 9 aıymen salystyrǵanda jasalǵan shart somasy jáne otandyq taýar óndirýshilerden satyp alý somasy 2 esege ósti. Jasalǵan sharttar sany 28%-ǵa, onyń ishinde otandyq taýar óndirýshilermen jasalǵan sharttar sany 30%-ǵa ósti. Shaǵymdar sany 25%-ǵa qysqardy. Memlekettik satyp alýlarǵa JI elementteri engizilip, bul 781 mlrd teńgeni únemdeýge múmkindik berdi», dedi Mádı Takıev.
Sıfrlyq transformasııa sheńberinde elimizde bıýdjet qarajatynyń jumsalýyn baqylaýdy kúsheıtýge baǵyttalǵan onlaın bıýdjettik monıtorıng engizilip otyr.
Qarjy mınıstri búginde qarajatty bir ǵana bilim berý boıynsha jumsaý kezinde buzýshylyqtardyń aldyn alý jáne olardy anyqtaý boıynsha aıtarlyqtaı nátıjelerge qol jetkizilgenin atap ótti.
