Aımaqtyq hab qurýdy usyndy

Qazaqstandyq tarap ózara yn­ty­maqtas­tyqtaǵy oń serpindi atap ótip, «Honeywell»-ge Qazaqstan­men múddeli uzaqmerzimdi áriptes­tik­ke degen nıeti úshin alǵys bildir­di. Aeroǵaryshtyq tehnologııa, ónerkásiptik avtomattandyrý men jańa materıaldar jasaý salasynda álemdik kóshbasshy bolyp sanalatyn kompanııa Qazaqstanda 1998 jyldan beri 500-den asa jobany júzege asyrǵan.

Erbolat Dosaev elimiz anaǵurlym ártaraptan­dyrylǵan, ekologııalyq jáne tehno­logııalyq ekonomıkany qalyptas­tyrýǵa arnalǵan aýqymdy ekonomıka­lyq transformasııany bastan keship jatqanyn atap ótti. Osyǵan baılanysty el «Honeywell» óndirisin lokalızasııalap, odan ári keńeıtýge, tehnologııalardy engizýge múddeli. Ol kompanııanyń Qazaqstanda Ortalyq Azııa, Kavkaz elderine, Ázerbaıjan jáne aımaqtaǵy basqa da memleketterge qyzmet kórsete alatyn aımaqtyq habyn qurýdy qarastyrýdy usyndy.

Bizdiń tarap «Honeywell»-diń qatysýyn keńeıte túsý úshin birneshe áleýetti baǵyt­ty belgiledi. Olar – Qazaqstan kásip­oryn­darynda ónerkásiptik qaýipsizdik pen monıtorıngtik maqsatta qoldaný úshin «Honeywell» ónerkásiptik qaýipsizdik jáne gaz taldaýyn qadaǵalaý júıesin keńeıtý, qaldyqtardy azaıtý, energııa jınaqtaý jónindegi ult­tyq maqsattarǵa qol jetkizý sheń­berindegi ónerkásip pen energetıka salasyndaǵy jobalar.

Sondaı-aq kezdesýge qatysý­shylar eli­miz­diń munaı-gaz nysan­daryndaǵy teh­no­­­logııa­lyq úderisterdi basqarý júıe­sine JI-she­shim­­derin engizý týraly kompa­­nııanyń usy­ny­syn talqylady. JI-agent­terdi engizý ón­di­ristiń tıimdiligin, qaýip­sizdigi men senim­dili­gin arttyrýǵa, úderisterdi ońtaılan­dyrýǵa jáne shyǵyn­dy azaıtýǵa múmkindik beredi.