Atbegiler dala tósin dúbirge bólegen at báıgesiniń bes túrine jelden jyldam shabatyn 70-ten astam júırikti qosty. Bes báıgeniń júlde qory 21 mln teńgeni qurady. Aldymen jurtshylyqtyń nazary 33 shaqyrymǵa sozylǵan alaman báıgege aýdy. Al atbeginiń bári de ashy terin alyp, baptaǵan júıriginiń toptan ozǵanyn qalady.
Bir qyzyǵy, er qanatyna balanǵan at báıgesinde taqymy myqty 10 jasar shabandoz Shákárim Tájiniń baǵy jandy. Ol tizginin ustaǵan júıriktiń biri alaman báıgede toptan ozdy. Báıgeniń júldesi – 5 mln teńge. Kishkentaı shabandozdyń taǵy bir júırigi 6 shaqyrymdyq qunan jarysynda márege birinshi jetti. Al taı jarysynda ekinshi, top báıgede úshinshi oryn alǵan Shákárim úıine tórt júldemen oraldy.
«Aǵaıym atqa minýdi úıretip, kóptegen báıgege daıarlady. Jeti jasymnan beri shabandoz retinde báıgege qatysyp júrmin. Júıriktiń tizginin qaı kezde jiberýdi bilemin. Osy kezge deıin Astana qalasynda, Mańǵystaý oblysynda ótken báıgelerde júldeger atanǵan edim», deıdi Sh.Táji.
Atyraý oblysy
