Eýropa lıgasy. «Qaırat» irikteý týrnıriniń pleı-off synyna shyqty

ASTANA. 7 tamyz. О́tken túnde «Qaırat» ÝEFA Eýropa lıgasy irikteý týrnıriniń úshinshi raýndy sheńberinde Shotlandııanyń «Aberdın» komandasymen qarymta kezdesý ótkizdi. Shotland jerinde bolǵan match 1:1 esebimen teń aıaqtaldy. Apta buryn qos komanda Almatyda kúsh synasyp, alań ıeleri 2:1 esebimen jeńiske jetken edi. Eki oıynnyń nátıjesi boıynsha «Qaırat» atalǵan týrnırdiń pleı-off básekesine joldama aldy. Bul týraly egemen.kz habarlady. Aberdındegi oıyn asa tartysty ótti. Birinshi taımda shotlandtar óte shıraq qımyldady. Al qaırattyqtar negizinen qarymta shabýylǵa ıek artyp, kóbine qorǵanysqa kóńil bóldi. Oıynnyń ekinshi bóligi de alań ıeleriniń basymdyǵymen bastaldy. Olar birneshe ótkir shabýyldar uıymdastyryp, bizdiń qaqpany nysanaǵa alǵanymen, «Qaırattyń» qorǵanysy syr bermedi. Matchtyń 59-mınýtynda «Aberdınniń» qorǵaýshylary qonaqtardyń shabýylshysy Jerar Goýdan kóz jazyp qaldy. О́zine berilgen múmkindikti utymdy paıdalanǵan Goý gol soǵyp, esep ashty. Tablodaǵy nátıje tek 84-mınýtta ózgerdi. Kezekti shabýyldarynyń birinde aberdındikter tarazy basyn teńestirip ketti. Goldyń avtory – Kennı Maklın. Osylaısha, eki oıynnyń nátıjesi boıynsha «Qaırat» kelesi aınalymǵa shyqty. Pleı-off synynyń jerebe tartý rásimi búgin Shveısarııanyń Non qalasynda ótedi. «Aberdın» (Aberdın, Shotlandııa) – «Qaırat» (Almaty, Qazaqstan) 1:1 (0:0) 6 tamyz. Aberdın. «Pıttodrı» stadıony. 22 000 kórermen. Tóreshiler: Mıroslav Zelınka, Ondrjeı Pelıkan, Radek Kotık (bári de - Chehııa) «Aberdın»: Dennı Ýord, Shalom Logan, Grem Shınnı, Endrıý Konsıdaın, Raıan Djek, Eshton Teılor, Kennı Maklın, Nıell Makgınn, Djonnı Heız (Ýıllo Flad 81), Pıter Paýlett (Adam Rýnı 68), Devıd Gýdvıllı (Pol Kýınn 82). «Qaırat»: Vladımır Plotnıkov, Brýno Soares, Mark Gýrman, Jarko Markovıch, Ermek Qýantaev, Mıhaıl Bakaev, Baýyrjan Islamhan, Isael (Serjıno 82), Anatolıı Tımoshýk, Jerar Goý (Djordje Despotovıch 74), Stanıslav Lýnın (Islambek Qýat 90+3). Goldar: Kennı Maklın 84 – Jerar Goý 59. Eskertýler: Eshton Teılor 90+1 – Jarko Markovıch 12, Anatolıı Tımoshýk 17, Mıhaıl Bakaev 43, Stanıslav Lýnın 84, Vladımır Plotnıkov 90+1. Birinshi match: 1:2 Elaman Qońyr. Derek: egemen.kz. Sýret: kapital.kz.