Baıqaý jeńimpazdaryna qala ákiminiń orynbasary Darhan Tursynbaev dıplom men qarjylaı syıaqy tabystady. Bıyl segizinshi márte ótkizilgen «Úzdik aýla» baıqaýyna qatysýǵa onnan asa aýla ótinim bildiripti. Baıqaý úzdikteriniń ishinen Z. Shúkirov kóshesi, №100G úıdiń turǵyny Sálıma Kóptileýqyzynyń aýlasy komıssııa sheshimimen basym daýysqa ıe bolyp, jeńimpaz atandy. Ekinshi oryndy (150 myń teńge qarjylaı sertıfıkaty) Qorqyt ata kóshesi, № 239 úı turǵyny Zaınap Bakırqyzy ıemdense, al III oryn (100 myń teńge qarjylaı sertıfıkaty) Áıteke bı kóshesi, №27 úı turǵyny Valentına Alekseevnaǵa buıyrdy.
Marapattaý rásiminde «Birligi jarasqan aýla», «Eńbekqor baǵban», «Ásem aýla» nomınasııasy da tabystaldy. Qala tazalyǵyn qamtamasyz etýde tynbaı eńbek etip júrgen tazalyq qyzmetkerleri de marapattalyp, olarǵa qala ákiminiń «Alǵys haty» men 70 myń teńge qarjylaı sertıfıkat tabystaldy.
Jeńimpaz atanǵan turǵyn úı aýlasyna «Úzdik aýla – 2025» taqtaıshasy ornatyldy.
