Polshanyń jańa prezıdenti qyzmetine kiristi

ASTANA. 7 tamyz. Keshe, 6 tamyz kúni Polshanyń jańa prezıdenti Andjeı Dýda óziniń laýazymyn atqarýǵa kiristi. Bul týraly ras.kz habarlady. Beısenbi kúni Polshanyń jańadan saılanǵan prezıdenti Andjeı Dýdanyń ınaýgýrasııasy boldy. Ol ulttyq jınalys – seım men senat aldynda ant qabyldap, bes jyldyq merzimge belgilengen qyzmetine kiristi. Seım spıkeri Malgojata Kıdava-Blonska ulttyq jınalysty ashqannan keıin Polshanyń memlekettik gımni oryndaldy. Konstıtýsııaǵa sáıkes, Andjeı Dýda ulttyq jınalys aldynda ant mátinin oqydy. Sodan soń ol ózine prezıdent saılaýy barysynda daýys bergen polıak halqyna alǵys sezimin jetkizdi. Ol óziniń sózinde Polshaǵa budan da góri kúshtirek NATO-nyń kóbirek kóz salýy kerektigin, Soltústik alıans tarapynan budan da kúshtirek kepildik bolýy mańyzdy ekenin atap ótti. Dýda sondaı-aq, «halyqaralyq saıasatta revolıýsııanyń kerek emes ekenin, degenmen, ony rettep turý qajettigin aıtty. Sol sııaqty kúshti, jaqsy qarýlanǵan polıak armııasyn qurý kerektigin alǵa tartty. Onyń aıtýyna qaraǵanda, elden tysqary jerlerde turyp jatqan ulty polıak jastarymen qarym-qatynas ornatyp, olardyń elge oralýy úshin kerekti barlyq jaǵdaı jasaý kerek. Inaýgýrasııaǵa qatysqan 600-den astam meımandardyń qatarynda Polshanyń burynǵy prezıdentteri Leh Valensa men Aleksandr Kvasnevskı, burynǵy premer-mınıstrler Ejı Býzek pen Iаn K. Beleskı, seım men senattyń burynǵy spıkerleri, ulttyq polıak bankiniń basshysy, adam quqyǵy jónindegi ýákil, balalar quqyǵy jónindegi ýákil, din basshylyǵynyń, kýrodepýtattar men dıplomatııalyq korpýs boldy. Talǵat Raıymbek. Derek, sýret: ras.kz.