Foto: storage.yandexcloud.net
21–22 qazan túnderi Orıonıd meteor aǵyny óz sharyqtaý shegine jetedi. Astronomdar saǵatyna 15–20 meteorǵa deıin kórýge bolatynyn aıtady. Jalpy, bul ǵajaıyp qubylysty 7 qarashaǵa deıin tamashalaýǵa múmkindik bar.
Meteor aǵyny – Jer óz orbıtasynda kometalar men asteroıdtar qaldyrǵan shań-tozań bulttarynan ótken kezde týyndaıtyn tabıǵı qubylys. Atmosferaǵa joǵary jyldamdyqpen engen usaq bólshekter aýaǵa úıkelip, qyzyp ketedi de, otsha janyp «aǵyp túsken juldyz» áserin týdyrady.
Qazir Qazaqstannyń kóptegen óńirinde ashyq aspan kútiledi. Sondyqtan meteor aǵynyn baqylaý úshin arnaıy quraldyń qajeti joq, tek qalalyq jaryqtan alys, tynysh jer taýyp, túngi aspanǵa kóz salý jetkilikti. Eń qolaıly ýaqyt tún ortasynan keıingi jáne tań aldyndaǵy saǵattar.
Al kelesi iri meteorlyq qubylys – Ońtústik Taýrıdter 5 qarasha tańynda sharyqtaý shegine jetedi. Alaıda bul joly baqylaýǵa tolyq Aıdyń jaryǵy azdap kedergi keltirýi múmkin.
