Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, olardyń ishinde Uly Otan soǵysynyń 86 ardageri, jeńildikter boıynsha UOS ardagerlerine teńestirilgen – 16 556 adam, ózge memleketterdiń aýmaǵyndaǵy urys qımyldarynyń ardagerleri – 26 587 adam jáne UOS jyldarynda tylda eńbek etken – 36 084 azamat bar. 2025 jyly osy sanattaǵy tulǵalarǵa 12,6 mlrd teńge kóleminde arnaýly memlekettik járdemaqy tólendi.
Esterińizge sala keteıik, respýblıkalyq bıýdjet esebinen tólenetin aı saıynǵy arnaýly memlekettik járdemaqy ardagerlerdiń barlyq sanatyna, ózge áleýmettik tólemderine qaramastan, belgilengen mólsherde beriledi.
2025 jyly tólemderdiń kólemi tómendegideı bekitildi:
-
1. UOS ardagerleri – 16 AEK (2025 jyly – 62 912 teńge);
2. jeńildikteri boıynsha UOS ardagerlerine teńestirilgen ardagerler, olardyń ishinde:
- UOS kezeńinde jaraqat alýy, kontýzııa alýy, mertigýi nemese aýrý saldarynan múgedektigi bar adamdarǵa jeńildikter boıynsha teńestirilgen adamdar – 7,55 AEK (2025 jyly – 29 687 teńge);
- jeńildikter boıynsha UOS qatysýshylaryna teńestirilgen tulǵalar – 6,19 AEK (2025 jyly – 24 339 teńge);
3. basqa memleketterdiń aýmaǵyndaǵy urys qımyldarynyń ardagerleri, onyń ishinde:
- Aýǵanstandaǵy urys qımyldaryna qatysýshylar – 6,19 AEK (2025 jyly – 24 339 teńge);
- Tájik-Aýǵan ýchaskesinde TMD shekarasyn qorǵaýdy kúsheıtý jónindegi mindetterdi oryndaǵan, Iraktaǵy halyqaralyq bitimgershilik operasııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshiler – 4,8 AEK (2025 jyly – 18 874 teńge);
4. UOS jyldaryndaǵy tyl eńbekkerleri – 2,13 AEK (2025 jyly – 8 376 teńge).
