KSRO-nyń halyq ártisi Vladımır Zeldınge operasııa jasaldy

ASTANA. 7 tamyz. KSRO halyq ártisi Vladımır Zeldın jambasyna operasııa jasatty. Bul týraly ras.kz habarlady. Ártistiń jubaıy Ivetta Zeldınanyń sózine qaraǵanda, hırýrgııalyq áreket kezinde akter «ózin óte jaqsy ustaǵan, tipti qaljyń aıtyp qoıǵan». «Operasııa jasalyp boldy, ol sátti ótti. Dárigerler aıtqandaı, ol ózin jaqsy sezinip otyr», – dep málimdedi Zeldınniń áıeli. Operasııa jalpy narkozben emes, anestezııamen jasalǵan. Qazir Zeldın jansaqtaý bóliminde jatyr. Buqaralyq aqparat quraldary 5 tamyzda akterdiń Bakýlev atyndaǵy ǵylymı ortalyqqa qaralýǵa kelgende jambas súıegin syndyryp alǵanyn habarlaǵan bolatyn. Bıylǵy jyly akter Vladımır Zeldın óziniń 100 jyldyq mereıtoıyn atap ótti. Ol áli kúnge deıin teatrda oınap turady. Ártis 2013 jyly tipti Máskeýde olımpııalyq alaýdy alyp júgirýge de qatysqan. Zeldın 1915 jylǵy 10 aqpanda Kozlov qalasynda týǵan. Ol 1941 jyly ekranǵa jol tartqan «Shoshqashy men baqtashy» fılminen keıin kópshilikke keńinen tanymal bola bastady. Onyń esebinde 40-tan astam fılm bar. Solardyń arasynda «Asaýǵa tusaý», «On negr balasy», «Baqbaqtan jasalǵan sharap» fılmderi erekshe atalady. 2015 jyly rolderdiń birin Zeldın oryndaǵan «Kavkazdyń úzdik qyzy» kartınasy túsirilip bitpekshi. Akter 1945 jyldan beri Keńes armııasynyń ortalyq teatrynda qyzmet etip keledi. Talǵat Raıymbek. Derek, sýret: ras.kz.