Foto: gov.kz
Shara barysynda qatysýshylar qazaq teatr óneriniń korıfeıi Asqar Toqpanovtyń eskertkishine taǵzym etip, gúl shoqtaryn qoıdy.
Saltanatty sharada Qazaqstannyń halyq ártisi, teatr jáne kıno óneriniń maıtalmany Asanáli Áshimov, sondaı-aq teatr jáne kıno akteri, Qazaqstan teatr qaıratkerleri odaǵynyń tóraǵasy Tuńǵyshbaı Ál-Tarazı quttyqtaý sóz sóılep, Asqar Toqpanovtyń ustazdyq jáne shyǵarmashylyq bolmysy jaıynda estelikterimen bólisti. Respýblıkalyq teatr festıvaline elimizdiń ár óńirinen alty teatr qatysyp jatyr. Olardyń qatarynda S.Qojamqulov atyndaǵy Ulytaý teatry, Atyraý oblystyq Mahambet atyndaǵy akademııalyq qazaq drama teatry, R.Seıtmetov atyndaǵy Túrkistan teatry, Q.Qojamııarov atyndaǵy Respýblıkalyq memlekettik akademııalyq uıǵyr mýzykalyq komedııa teatry, B.Rımova atyndaǵy Taldyqorǵan drama teatry jáne Asqar Toqpanov atyndaǵy oblystyq qazaq drama teatry bar.
