Ortalyq ınnovasııalyq tehnologııalar men ınjenerlik bilimniń negizine aınalmaq. Osy maqsatta ortalyqta «Ushqyshsyz ushý apparattaryn paıdalaný jáne baǵdarlamalaý» oqý baǵdarlamasy engizilip, stýdentter drondardy jobalaý, qurastyrý, basqarý jáne tehnıkalyq qyzmet kórsetýmen baılanysty kásibı quzyrettilikterdi meńgeretin bolady.
Jobaǵa kolledjdiń áleýmettik seriktesi Halyqaralyq bilim berý jáne ınnovasııalar ortalyǵy men Qytaıdyń Zhongke Borui Education Technology Research Institute uıymy qoldaý kórsetti.
Oqý-aǵartý mınıstrliginiń Tehnıkalyq jáne kásiptik bilim departamentiniń dırektory Áset Muhanbetovtyń aıtýynsha, bul joba tehnıkalyq jáne kásiptik bilim berý júıesin zamanaýı talaptarǵa saı damytýǵa baǵyttalǵan jáne eldiń ınnovasııalyq áleýetin arttyrýǵa úles qosatyn bilim men ınnovasııa salasyndaǵy halyqaralyq tıimdi yntymaqtastyqtyń aıqyn úlgisi. Ushqyshsyz ushý apparattary salasyndaǵy bilim berý baǵdarlamalaryn jetildirý arqyly elimiz básekege qabiletti kadrlar daıarlaýǵa múmkindik alady.
Quzyrettilik ortalyǵy ınnovasııalyq bilim berý tehnologııalaryn engizý, stýdentterdiń robototehnıka, aerotúsirilim, 3D-kartografııa jáne ınfraqurylymdy monıtorıng salasyndaǵy praktıkalyq daǵdylaryn shyńdaıdy. Pedagogter drondardy oqytý úderisine daıarlanatyn bolady.
Kolledjde aldaǵy ýaqytta halyqaralyq trenıngter, sheberlik sabaqtary men ushqyshsyz ushý apparattary boıynsha jarystar uıymdastyrylyp, sheteldik bilim berý jáne tehnologııalyq uıymdarmen seriktestik baılanystar keńeıtiledi dep josparlanyp otyr.
ALMATY
