Atalǵan bastamalardy óńirlik bilim basqarmasynyń tapsyrysymen «Mańǵystaý jergilikti bastama ortalyǵy» qoǵamdyq qory júzege asyryp jatyr.
Mańǵystaý oblysy bilim basqarmasynyń bólim basshysy Klara Qulataevanyń aıtýynsha, jobalar bıylǵy jyldyń 1 qazanynan bastap júzege asady.
- «Bilim sapasyn baqylaý: Jańa kózqaras» jáne «Aımaqtaǵy bilim berý salasynyń ozyq tájirıbeleri» jobalary bilim berý sapasyn arttyrýdyń júıeli tásilin qalyptastyrýǵa baǵyttalǵan. Qazirgi tańda oblys boıynsha 20 mektep tańdalyp, ondaǵy bilim sapasyna áser etetin faktorlardy zertteý, mektepishilik baqylaý júıesin jetildirý jáne pedagogtardyń kásibı quzyrettiligin arttyrý jumystary júrgizilip jatyr, - dedi K.Qulataeva.
«Mańǵystaý jergilikti bastama ortalyǵy» qoǵamdyq qorynyń dırektory Jaqsygúl Mahanbetovanyń aıtýynsha, jobalar tek bilim sapasyn arttyrýmen shektelmeı, pedagogıkalyq tájirıbeni qoǵammen tıimdi bólisýge múmkindik beredi.
- Jergilikti deńgeıde aqparattyq ashyqtyq pen bilim berý uıymdarynyń medıa áleýetin arttyrý da basty nazarda. Osy maqsatta 14–15 qazan kúnderi 70 maman mobılografııa jáne SMM baǵytynda arnaıy trenıngten ótti. Al oblystyń úzdik bilim berý tájirıbelerin qoǵamǵa keńinen tanystyrý úshin jýrnalısterdiń qatysýymen Aqtaý, Túpqaraǵan jáne Munaıly aýdandarynda aqparattyq týrlar uıymdastyryldy. Aldaǵy ýaqytta oblystyń barlyq aýdan-qalalaryn qamtıtyn aqparattyq týrlar jalǵasady. «О́rleý» biliktilikti arttyrý ulttyq ortalyǵy» aksıonerlik qoǵamy «Mańǵystaý oblysy boıynsha kásibı damý ınstıtýtymen» birlese otyryp, 300 muǵalimge arnalǵan 8 oqý kýrsyn 28 qazannan bastaıdy, dedi ol.
Buǵan deıin oblysta «Otpan» jobasy aıasynda 6,5 myń pedagog oqýdan ótip, 625 oqý bólmesi men 180 muǵalimder keńistigi jańartyldy. «943 – eldiń maqsatty mektepterin damytý» jobasy 59 mektepte júzege asyrylyp jatyr.
