Qyrkúıekte Astanada turǵyn úıge ótinishterdi qabyldaý bastalady

ASTANA. 7 tamyz. «Qazaqstannyń Turǵyn úı qurylys jınaq banki» AQ 2015 jyldyń 4 qyrkúıeginen 4 qarashasyna deıin turǵyn úıdi satyp alýshylar men jalǵa alýshylardyń pýlyna qatysýǵa ótinish qabyldaıtynyn habarlaıdy. Bul týraly Astana qalasy ákimdiginiń resmı saıty astana.gov.kz habarlady. Pýl «2020 jylǵa deıin óńirlerdi damytý baǵdarlamasynyń» «Halyqtyń barlyq sanatyna arnalǵan turǵyn úı» baǵyty boıynsha II toptyń talaptaryna sáıkes keletin tulǵalardyń ishinen qurylady. Eski jáne apattyq turǵyn úılerdi buzýdan keıin salynǵan qosalqy ǵımarat pen avtoturaǵy bar 136 páter Brýsılovskıı men Imanov kósheleriniń qıylysynda ornalasqan. Taza árleý men yńǵaılylyǵy IV sanatty páterdiń baǵasy 1 sharshy metrge 120 000 teńge, yńǵaılylyǵy III sanatty páterdiń baǵasy 1 sharshy metrge 142 500 teńgeni quraıdy. Qurylystyń aıaqtalý merzimi – 2015 jyldyń jeltoqsany. 30 qyrkúıekten 30 qarashaǵa deıin kóp páterli 5 qabatty úıdiń satyp alýshylar men jalǵa alýshylar pýlyn qurýǵa qatysýǵa ótinishter qabyldanatyn bolady. Turǵyn úı kesheni Esil ózeniniń oń jaǵalaýynda, №23-31, 23-16, 23-17, 23-30, A-98 jobalyq ataýlary bar kóshelerdiń qıylysynda ornalasady. Yńǵaılylyǵy IV sanatty páterdiń baǵasy 1 sharshy metrge 120 000 teńge, taza árleý men yńǵaılylyǵy III sanatty páterdiń baǵasy 1 sharshy metrge 142 500 teńge. Keshen 99 páterge eseptelgen, qurylystyń aıaqtalý ýaqyty – 2015 jyldyń jeltoqsany. Taǵy bir 9 qabatty 143 páterlik úı №23-31, 23-16, 23-17, 23-30, A-98 jobalyq ataýlary bar kóshelerdiń qıylysynda ornalasady. О́tinishter 30 qyrkúıekten 30 qarashaǵa deıin qabyldanady. Yńǵaılylyǵy IV sanatty páterdiń baǵasy 1 sharshy metrge 120 000 teńge,taza árleýmen yńǵaılylyǵy III sanatty páterdiń baǵasy 1 sharshy metrge 142 500 teńge. Qurylystyń aıaqtalý merzimi – 2015 jyldyń jeltoqsany. Qatysýshylarǵa qoıylatyn talaptarmen banktiń www.hcsbk.kz ınternet-resýrsynda «Qoljetimdi turǵyn úı-2020» bóliminde tanysýǵa bolady. О́tinishti www.hcsbk.kz saıtyndaǵy «Klıenttiń jeke kabınetinde» berýge bolady. О́tinish tek bank salymshylarynan ǵana qabyldanady. Banktiń Astana qalasyndaǵy Syǵanaq kóshesi, 29 VP-3 mekenjaıynda ornalasqan bólimshesinde nemese Astana №1 QO, Moskovskaıa kóshesi 29 (34-páter), Astana №2 QO, Kenesary kóshesi 4, Astana №3 QO, Qajymuqan kóshesi, 12a mekenjaılarynda ornalasqan, sondaı-aq, banktiń www.hcsbk.kz ınternet-resýrsynda turǵyn úı qurylys jınaq júıesi arqyly turǵyn úıdi satyp alýshylar men jalǵa alýshylardyń pýlyn qurý tártibimen jáne qurylys nysanynyń sýrettemesimen (sonyń ishinde ǵımarat qasbetin jáne páterlerdiń josparlanýyn kórý de bar) egjeı-tegjeıli tanysýǵa bolady. Elaman Qońyr. Derek, sýret: astana.gov.kz.