Ekologııa • 23 Qazan, 2025

Shúlbi sý qoımasynan 6,32 mlrd tekshe metr sý jiberildi

30 ret

kórsetildi

1 mın

oqý úshin

Bıyl Shyǵys Qazaqstan oblysyndaǵy Shúlbi sý qoımasynan Ertis ózeni arqyly ekologııalyq maqsatta sý jiberý sharalary sheńberinde shamamen 6,32 mlrd tekshe metr sý jiberilip otyr. Sala mınıstri Nurjan Nurjigitov Ertis basseındik ınspeksııasynyń bıylǵy toǵyz aıynda atqarylǵan jumysy týraly esebin tyńdady, dep jazady Egemen.kz.

Shyńǵys MUQAEV

Shúlbi sý qoımasynan 6,32 mlrd tekshe metr sý jiberildi

Foto: Sý resýrstary jáne ırrıgasııa mınıstrligi

Atalǵan ınspeksııa mamandary sý zańnamasynyń saqtalýyn baqylaý turǵysynda 58 tekserý júrgizip, 25 mln teńge somasynda 52 ákimshilik aıyppul salǵan.

Sýdyń ekologııalyq maqsatta jiberilýi nátıjesinde Pavlodar oblysynda shamamen 305 myń gektar jer sýarylǵan. Bul 2024 jylmen salystyrǵanda 27,5 myń gektarǵa artyq.

2025-2027 jyldarǵa arnalǵan ózender men kólderdi sanasııalaý jónindegi jol kartasy aıasynda Abaı oblysynda 15 shaqyrymdyq Kindikti, Kókpekti ózenderi ýchaskelerin tazartý jumystary aıaqtalǵan.

Ertis basseındik ınspeksııasynyń basshysy Medet Jádigerulynyń aıtýynsha ekologııalyq maqsatta sý jiberý jumystary jyl saıyn ekojúıeler men bıologııalyq alýan túrlilikti saqtaý, sondaı-aq sý nysandaryn lastanýdan jáne taýsylýdan qorǵaý maqsatynda júzege asyrylady.

«Budan bólek, sý jiberý arqyly shalǵyndyqtar men tabıǵı jaıylymdar sýarylady. Bul mal sharýashylyǵynyń jem-shóp qoryn qamtamasyz etip, aýyl sharýashylyǵynyń damýyna yqpal etedi», dedi M.Jádigeruly.