Aqtóbede oblys kásipodaqtarynyń aktıvi ótti

AQTО́BE. 7 tamyz. Aqtóbede oblys kásipodaqtarynyń aktıvi ótti. Aktıv jınalysy Qazaqstan Respýblıkasy kásipodaqtar federasııasynyń XXIV seziniń jumys qorytyndylary jáne oblys kásipodaq uıymdarynyń qabyldanǵan sheshimderdi júzege asyrýy týraly máselelerdi qarady. Bul týraly egemen.kz tilshisi habarlady. Jıynǵa salalyq kásipodaqtardyń oblystyq jáne qalalyq komıtetteri men kásipodaq uıymdarynyń tóraǵalary, sondaı-aq, sez delegattary, oblystyq jumyspen qamtýdy úılestirý jáne áleýmettik baǵdarlamalar basqarmasynyń, oblystyq eńbek ınspeksııasynyń basshylary, kásipkerlerdiń ulttyq palatasy Aqtóbe fılalynyń ókilderi qatysty. Jınalys barysynda oblys ákiminiń orynbasary Sara Nurqatova quttyqtaý sóz sóıledi. Aktıv jınalysynda elimizdiń kásipodaqtar federasııasynyń uıymdastyrý, kadrlyq jumystar jáne aktıvter departamentiniń dırektory Pavel Kazansev sezdiń jumys qorytyndylary týraly habarlama jasady. Munan keıin jıynǵa qatysýshylar sezdiń sheshimderin júzege asyrýǵa baılanysty oblys kásipodaq uıymdarynyń aǵymdaǵy perspektıvalyq mindetteri qaqyndaǵy oblystyń kásipodaq ortalyǵynyń tóraǵasy Túrikpenbaı Aıjaryqovtyń baıandamasyn tyńdady. Jaryssózge qatysqan sezd delegattary, memlekettik, bank jáne qoǵamdyq qyzmet kórsetý qyzmetkerleri salalyq kásipodaǵy oblystyq fılıalynyń tóraǵasy Amantaı Bımuratov, Aqtóbe ferroqorytpa zaýyty kásipodaq komıtetiniń tóraǵasy Baqytkereı Qabanov, «SNPS – Aqtóbemunaıgaz» aksıonerlik qoǵamy kásipodaq komıtetiniń tóraǵasy Janjaryq Kúzembaev sezden alǵan áserleri, qazirgi kezeńdegi kásipodaqtardyń róli, bastaýysh uıymdardaǵy atqarylyp jatqan jumystar, bıznestiń áleýmettik jaýapkershiligi jaıynda áńgime órbitti. Satybaldy Sáýirbaı. Derek, sýret: egemen.kz.