Memlekettik qyzmet isteri agenttigi Atyraý oblysy boıynsha departamentiniń málimetine qaraǵanda, memlekettik qyzmetshilerdiń 64 paıyzyn áıelder quraıdy. Bıylǵy 9 aıda olardyń sany 1759-ǵa jetken.
Al erlerdiń úlesi 36 paıyzben shektelip otyr. Qazir memlekettik qyzmette 984 er adam qyzmet atqarady.
Munaıly óńirdegi memlekettik qyzmetshilerdiń 95 paıyzynyń joǵary bilimi bar. Onyń ishinde «Bolashaq» halyqaralyq baǵdarlamasynyń 5, memlekettik qyzmet akademııasynyń 29 túlegi jumys istep júr.
Bul saladaǵy jastardyń úlesi 33 paıyzdy quraıdy. Memleket pen buqaranyń arasyndaǵy dánekerge aınalǵan jas býynnyń ortasha eńbek ótiline 11 jyl 8 aı bolǵan. Olardyń laýazymdyq qyzmettegi ortasha ótili – 4 jyl 9 aı.
Bıylǵy 9 aıda 222 konkýrs jarııalanyp, 1113 adam baǵyn synaǵan. Konkýrstyq komıssııanyń sheshimimen 173 adam jumysqa qabyldanypty. Al testileýge 1992 adam qatysypty.
«Osy kezeńde 405 memlekettik qyzmetshi oqýdan, 87 adam qaıta daıarlaýdan ótti. Biliktiligin arttyrýǵa 318 qyzmetshi qatysty», dep habarlady óńirlik departamentten.
Alaıda memlekettik qyzmet salasyndaǵy jumysynan ketkender 3,4 paıyzdy quraıdy.
