«Qazaqstan Respýblıkasy Ulttyq ekonomıka mınıstriniń 2017 jylǵy 1 aqpandaǵy №36 buıryǵymen bekitilgen qoǵamdyq mańyzy bar naryqtardaǵy baǵa belgileý qaǵıdalaryna jáne QR UEM Tabıǵı monopolııalardy retteý komıteti departamentiniń 2025 jylǵy 1 qazandaǵy №27-03-09/775 hatyna sáıkes, 2025 jylǵy 1 qyrkúıekten bastap qoldanysqa engizilgen taýarlyq gazdyń bosatý baǵalary qosylǵan qun salyǵynsyz (gaz taratý júıeleri arqyly tasymaldaý tarıfin eskere otyryp) kelesideı bolyp bekitildi:
1. Halyq úshin – 20 128,66 teńge (1000 m³ úshin);
2. Memlekettik ataýly áleýmettik kómek jáne (nemese) turǵyn úı kómegin alatyn halyq – 15 905,36 teńge;
3. О́zge zańdy tulǵalar úshin – 29 731,67 teńge.
Qazaqstanda 2026 jylǵy 1 qańtardaǵy jaǵdaı boıynsha engizilgen moratorııge baılanysty, joǵaryda kórsetilgen bosatý baǵalary ózgerissiz qalady» delingen habarlamada.
Aıta keteıik, óńirde buǵan deıin jeke tutynýshylar úshin taýarly gazdy bosatý baǵasy 1 myń tekshemetr úshin – 23 914,59 teńge bolatyn. Qazaqstan Respýblıkasy Premer-Mınıstriniń orynbasary – Ulttyq ekonomıka mınıstri Serik Jumanǵarınniń tapsyrmasyna sáıkes, 2025 jylǵy 1 qyrkúıekten bastap halyq úshin taýarlyq gazdyń bosatý baǵasy qosylǵan qun salyǵynsyz 20 128,66 teńge kóleminde bekitildi.
Batys Qazaqstan oblysy
