Saryarqa aýdanynda jaýyngerlik kezekshilik atqarý kezinde saǵat 23:15 shamasynda áskerı jasaq bastyǵy qatardaǵy Sultan Qýatov jáne patrýlshi sarbazdar Saıat Dúısenalı men Bekzat Súıintaev Y. Dúkenuly kóshesindegi №20 úıdiń janynan iPhone 15 Pro Max uıaly telefonyn taýyp alady. Ulandyqtar uıaly telefon ıesin jyldam anyqtap, kezdesý ornyn belgilep, qurylǵyny qaıtaryp beredi. Qýanyshty azamatsha áskerı qyzmetshilerge kórsetken kómekteri úshin shyn júrekten alǵysyn bildirdi.
Sol kúni Nura aýdanynda qoǵamdyq tártipti qamtamasyz etip júrgen áskerı jasaq bastyǵy Shyńǵyshan Tynyshtyq pen patrýlshi jaýynger Nuradil Kópjasarov jerden iPhone 11 Pro Max markaly smartfonyn kóredi. Bazadan telefonnyń zańdy ıesin taýyp, az ýaqyt ishinde qaıtarady. Ulandyqtardyń adaldyǵy men qyzmetke degen jaýapkershiligine tánti bolǵan ol sheksiz alǵysyn jetkizdi.
Arada az ýaqyt ótkende qyzmette júrgen taǵy bir áskerı jasaq bastyǵy Sanjar Súıinbaev pen patrýlshi jaýynger Baqbergen Boqaı da Samsung A50 telefonyn baıqap qalady. Jedel sharalar nátıjesinde ıesi anyqtalyp, qurylǵy qaıtaryldy. Er adam Ulttyq ulannyń áskerı qyzmetshilerine kásibı sheberlikteri úshin alǵys bildirdi.
Mundaı mysaldar ulandyqtardyń joǵary moraldyq kelbeti men kásibıligin rastaıdy. Kún saıyn qoǵamdyq tártipti kúzetetin áskerı qyzmetshiler úshin eń úzdik marapat — azamattardyń alǵysy!
