Foto: Atyraý gazeti
Búgin depýtat Berik Beısenǵalıev Májilistiń jalpy otyrysynda jylý jelileriniń tozýynan tutynýshy, ıaǵnı qarapaıym halyq zardap shegetinin atap ótti.
Sondaı-aq ol elimiz boıynsha jylý jelileriniń ortasha tozyǵy 52% ekenin jáne jylý elektr ortalyqtarynyń 76%-y 50 jyldan, odan qalǵandary - 30 jyldan astam jumys istep kele jatqanyna nazar aýdardy. Berik Beısenǵalıevtiń aıtýynsha, mundaı kórsetkish kez-kelgen eldi mekende apattyń yqtımaldyǵyn arttyrady. Depýtat osy máselelerdi sheshý úshin birqatar is-shara qabyldaýdy usyndy.
«1. О́ńirlerdegi tozyǵy 60%-dan asqan jylý jelilerin «Energetıka jáne kommýnaldyq sektordy jańǵyrtý» Ulttyq jobasy sheńberinde jańǵyrtý boıynsha jumystardy jedeldetý jáne jylýmen qamtý boıynsha jeke blokty bólip shyǵaryp Ulttyq joba men óńirlik baǵdarlamalardyń úılesimdiligin qamtamasyz etý;
- Neǵurlym tozyǵy jetip, apattyq jaǵdaı aldynda turǵan, jylý trassalaryn, jylý elektr ortalyqtary men qazandyqtardy qaıta jańartý úshin, ásirese tozý deńgeıi syn kótermeıtin óńirlerge Orta jáne uzaq merzimdi bıýdjet josparlaý aıasynda jetkilikti ári turaqty qarjylandyrýdy qarastyrý;
- Eskirgen jylý jelilerine túsetin júktemeni azaıtý jáne olardyń qyzmet etý merzimin uzartýǵa múmkindik beretin energııa únemdeý tehnologııalary men balamaly energııa kózderin paıdalanýdy keńeıtý;
- Jylýmen qamtamasyz etetin kásiporyndarǵa ınvestısııa tartýdy kúsheıtý, onyń ishinde memlekettik-jekeshelik áriptestik tetikteri men «jasyl» oblıgasııalardy shyǵarý;
- Salanyń kadrlyq jáne ǵylymı-tehnıkalyq áleýetin arttyrý, Jylý elektr ortalyqtary úshin mamandardy daıarlaýdyń maqsatty baǵdarlamalaryn engizý jáne otandyq jabdyq óndirýshilerin qoldaý qajet», dedi Berik Beısenǵalıev.
