Foto: istockphoto.com
Májilis otyrysynda sóz alǵan depýtat Sergeı Ponomarev tehnologııalyq progrestiń el damýy úshin úlken múmkindik ekenin aıta kele, sonymen qatar onyń keri áserin de eskertý qajet ekenin jetkizdi.
«Búginde sıfrlandyrý – Qazaqstannyń jańa ulttyq ıdeıasyna aınaldy. Biraq progrestiń ekinshi jaǵy da bar. Keıbir tehnologııalar qoǵamǵa paıda emes, zııan ákelip otyr. Sonyń biri – dıpfeık tehnologııasy, ıaǵnı jasandy ıntellekt arqyly adamnyń túrin, daýysyn jáne beınesin qoldan jasap, shyndyqqa uqsas jalǵan materıal taratý», dedi depýtat.
Ponomarevtiń aıtýynsha, dezınformasııa men jalǵan kontent qazir álemdik turaqtylyqqa tóngen negizgi qaterlerdiń biri sanalady. Ol ózi de mundaı jaǵdaıdyń qurbany bolǵanyn aıtty.
«Meniń beınem men daýysymdy qoldan jasap, jalǵan vıdeo taratqan. Sol beınejazbada meniń atymnan aqsha suraǵan. Montaj sonshalyqty sheber jasalǵan, tipti jaqyndarym bastapqyda shyn dep senip qaldy. Osyndaı jaǵdaıǵa kópshiligimiz kezikken shyǵarmyz», dedi depýtat.
Onyń aıtýynsha, dıpfeıkterdiń qaýiptiligi — olardyń qoǵamdyq pikirdi manıpýlıasııalaý, memlekettik organdardy bedelsiz etý jáne saıası turaqtylyqqa qaýip tóndirý qabiletinde.
«Eger memleket basshysynyń nemese qoǵam qaıratkeriniń jalǵan málimdemeleri nemese jalǵan málimdemeleri bar deepfeyk jasalyp, taratylsa, saldary apatty bolýy múmkin. Bul ulttyq qaýipsizdikke qaýip tóndiredi», dedi ol.
Depýtat álemdik tájirıbege de toqtalyp ótti. Onyń aıtýynsha, AQSh 2020 jyly qorǵanys bıýdjetin bekitý kezinde dıpfeıkterdi aqparattyq qaýipsizdik qaterleriniń biri retinde zańdyq turǵyda bekitken. Al Ońtústik Koreıa 2024 jylǵy saılaý qarsańynda saıası úgit-nasıhat kezinde dıpfeıkterdi paıdalanýǵa tyıym salǵan.
Ponomarev sondaı-aq dıpfeıkterdiń qarjylyq alaıaqtyqta jıi qoldanylyp júrgenin eske saldy.
«Qazir alaıaqtar adamnyń týysynyń daýysyn nemese beınesin qoldan jasap, kómek suraǵan bolyp aldap jatyr. Mundaı áreketterge tipti bilimdi azamattar da aldanyp qalyp otyr. 2025 jylǵy Feedzai kompanııasynyń deregi boıynsha, onlaın alaıaqtyqtyń 50%-dan astamy jasandy ıntellekt arqyly jasalady», dedi ol.
Osyǵan baılanysty depýtat Ishki ister mınıstrligi men Jasandy ıntellekt jáne sıfrlyq damý mınıstrligin birqatar naqty sharalardy qabyldaýǵa shaqyrdy. Atap aıtqanda, Ponomarev kelesi usynystardy usyndy:
1. Dıpfeıkterdi anyqtaý jáne buǵattaý fýnksııasyn sıfrlyq kontentti monıtorıngteý jáne saraptaý ortalyǵynyń mindetine engizý;
2. Beıne jáne sýretterdiń túpnusqalyǵyn rastaý júıesin ázirleý. Ol tek sottarǵa emes, qarapaıym azamattarǵa da qoljetimdi bolýy tıis;
3. Halyq arasynda dıpfeıkterdi taný jáne kıberalaıaqtyqtan qorǵaný jóninde keń aýqymdy aqparattyq-túsindirý jumystaryn júrgizý.
