Foto: Ashyq derekkóz
Oblystyq memlekettik kirister departamentiniń bólim basshysy Aıbek Bahtııarovtyń aıtýynsha, aksızdeletin ónimder aınalymynyń zańdylyǵyna, al kásipkerlerge jumysty ashyq ári yńǵaıly etýge basymdyq berilip otyr.
«Reıdtik tekserýler jáne kameraldyq baqylaý nátıjesimen jyl basynan beri zańsyz 30 myń 635 lıtr alkogol, 9 myń 714 tonna munaı ónimderi, 187 myń 819 qorap temeki anyqtaldy. Mundaı ónimderdi tasymaldaý nemese satý kezinde mindetti túrde taýarlarǵa ilespe júk qujaty rásimdelýi tıis. Bul taýarlardyń qaıdan shyqqanyn, qaıda jetkizilgenin naqty anyqtaýǵa múmkindik beredi. Nátıjesinde zańsyz tasymaldaý men kóleńkeli aınalym azaıady», deıdi Aıbek Bahtııarov.
Onyń aıtýynsha, taýarlarǵa ilespe júk qujaty elektrondy formatta toltyrylady. Taýar jóneltilgen sátten bastap dereý tirkelýi qajet. Al bólshek saýdamen aınalysatyn nemese janarmaı quıý stansııalaryndaǵy satylymdarǵa bul talap qoldanylmaıdy.
«Keıbir kásipkerler qujatty toltyrý kezinde derekterdi durys engizbeıdi. Qujatty ýaqytynda tirkemeıdi. Osyndaı olqylyqtyń aldyn alý úshin túsindirý jumysyn úzdiksiz júrgizip kelemiz», dedi Aıbek Bahtııarov.
