Foto: Oqu-agartu minisrtrligi
Osy oqý jylynda 1100-den astam oqýshy bilim alyp otyrǵan mektepte balalar qaýipsizdigi úshin 170 beınebaqylaý kamerasy ornatylǵan. Barlyq kameralar jedel basqarý ortalyǵyna qosylǵan jáne ǵımarattyń ishi-syrty táýlik boıy baqylaýda tur. Al, mektep dálizderinde polısııa ortalyqtarymen tikeleı baılanystyratyn shaqyrý batyrmalary ornatylǵan. Oqýshylar men qyzmetkerlerdiń mektepke kirý-shyǵýyn baqylaý úshin «Alaqan Mektep» júıesi engizilgen.
«Muǵalimderdi qoldaý men olardyń kásibı damýyna jaǵdaı jasaý, ár oqýshynyń tulǵa bolyp qalyptasýyna qolaıly orta qurý – tikeleı dırektordyń jaýapkershiliginde. Osy turǵyda qalaı jumys istep, qandaı sharalar qabyldaý kerektigin biz «Bilim berýdegi ózgeristerdiń 1000 kóshbasshysy» jobasy aıasynda meńgerdik. Bul baǵdarlama sapaly mektep basshylarynyń jańa tolqynyn qalyptastyrýǵa úlken serpin berdi», deıdi Manargúl Tohan.
Oqý-aǵartý mınıstrliginiń málimetinshe atalǵan mektepte sondaı-aq pedagogterdiń kásibı sheberligin damytý, tájirıbe almasý, qundylyqqa negizdelgen bilim berý mádenıetin qalyptastyrý baǵyttaryna basa nazar aýdarylǵan. Muǵalimder ádistemelik birlestikter arqyly bir-birinen úırenip, bilim berý mazmunyn jańǵyrtýǵa belsendi qatysyp jatyr.
