Ásirese, biz 71 kg salmaq dárejesinde synǵa túsken Álıhan Áskerbaıdyń asqan sheberligine tamsandyq. Jetisý oblysy Sarqan aýdanynyń Qarabóget aýlynda týyp-ósken daryndy sportshy 144 kg-ny julqyp jáne 172 kg-ny serpe kóterip, aldyna jan salmady. Qossaıysynyń qortyndysy boıynsha 316 kg-lyq kórsetkshipen Álıhan Azıadanyń altyn medalin keýdesinde jarqyratty. Sondaı-aq, osy jarysta ol jasópirimder arasyndaǵy eki ret álemdik, eki ret qurlyqtyq jáne eki ret Azııa oıyndarynyń rekordyn jańartty. Barlyǵy – 6 rekord! Bul salmaqta ekinshi jáne úshinshi oryndardy Qytaı men О́zbekstannyń ókilderi ıelendi.
Álıhan Áskerbaı buǵan deıin de birqatar asa iri halyqaralyq dodalarda dara talantymen oqshaýlandy. Máselen, osydan birer aı buryn ǵana Astanada ótken jasóspirimder men jastar arasyndaǵy Azııa chempıonatynda qandasymyz úsh jattyǵýy boıynsha da aldyna jan salmaı, bas júldeni oljalady. Sonymen qatar, ol Álıhan qurlyqtyń úsh jáne álemniń úsh rekordyn jańartty.
