Memleket ómirindegi jaýapty ótkel

Halyqaralyq «Bolashaq» baǵdarlamasynyń stıpendıattary merziminen buryn prezıdenttik saılaý ótkizýdi qoldaıdy Qazaqstan úshin adamı kapıtaldy damytý jáne básekege qabiletti ıntellektýaldy áleýetti qalyptastyrý jolyndaǵy strategııalyq jobalardyń biri – Qazaqstan Respýblıkasy Prezıdentiniń halyqaralyq «Bolashaq» stıpendııasy. Memleket basshysynyń kóregen saıasatynyń arqasynda myńdaǵan qazaqstandyq álemniń jetekshi joǵary oqý oryndarynda bilim aldy, armandaryna qol jetkizdi, kásibı turǵyda ósip-ónip, bilimi men tájirıbesine súıene Qazaqstannyń áleýmettik-ekonomıkalyq ósip-órkendeýine úles qosty. Búgingi kúni sol «bolashaqtyqtar» álemniń ár qıyrynan Elbasynyń «Nurly Jol – bolashaqqa bastar jol» Joldaýynda jazylǵan elimizdiń jan-jaqty damý baǵytyna qoldaý kórsetip, Qazaqstan halqy Assambleıasynyń kezekten tys prezıdenttik saılaý ótkizý týraly bastamasyn quptaıdy. Men – «Bolashaq» halyqaralyq stıpendııasy boıynsha Qytaı memleketiniń telekommýnıkasııa salasynda bilim alyp júrgen stıpendıatpyn. Jaqyn bolashaqta eki eldiń arasyndaǵy qarym-qatynasty odan ári nyǵaıtýda, sol eldiń ózinde bilim alyp, ómir súrgen bizderdiń tájirıbemiz árqaısymyzǵa saı salada suranys tabady degen senimdemin. Búginde Qytaı memleketiniń joǵary oqý oryndarynda bilim alǵan, strategııalyq seriktesimizdiń tili men mentalıtetin meńgergen mamandar – ekonomıkamyzdyń kóptegen salasynda mańyzǵa ıe. Qy­­taılyq úzdik bilimi bar túlekterdiń tájirıbesi energetıka, saýda-eko­nomıkalyq baılanys, jańa joǵary tehnologııalar paıdalanylatyn kásiporyndarda da paıdaly bolmaq. Sonymen qatar, munaı-hımııa óndirisi, mashına jasaý jáne basqa da shıkizattyq emes salalarda ekijaqty qyzyǵýshylyq bar, aýyl sharýashylyǵy, jańa tehnologııalar, mádenı-gýmanıtarlyq jáne bilim berý salalaryndaǵy qarym-qatynas ta qaryshty damyp keledi. Munyń barlyǵy elimizdiń beıbit syrtqy saıasatynyń, ekijaqty qarym-qatynas teńdiginiń jáne Elbasynyń jeke bedeliniń arqasy dep bilemin. Saıası baǵdary aıqyn «Máńgilik El» ulttyq ıdeıasyn usynyp, ony júzege asyrý jolynda qajyrly eńbek etip kele jatqan Elbasyna eldiń senimi qashanda joǵary. Sondyqtan da elimizdiń bolashaǵy úshin jaýapty sát – kezekten tys prezıdenttik saılaý ótkizý bastamasyn quptaımyn. Tilektes ADAMBEKOV, halyqaralyq «Bolashaq» stıpendııasynyń ıegeri, Tongji University, QHR. Bolashaqtyqtar álemdik eńbek naryǵynda báseke týdyra alatyndaı bilim aldy. Búginde el artqan úmitti aqtar ýaqyt keldi, alǵan bilim men jınaǵan tájirıbeni paıdalanyp, Qazaqstannyń ál-aýqatyn kóterý týyn qolǵa alý el halqynyń paryzy dep bilemin. Biz, «Bolashaq» baǵdarla­ma­­synyń túlekteri, búgingi álemde qalyptasqan kúrdeli eko­nomıkalyq jaǵdaı men geosaıası úderisterdi eskere otyryp, Qa­zaqstan halqy Assambleıasy Keńe­siniń usynysyn qoldaımyz. Atalǵan qıyn-qystaý kezeńde el taǵdyryn joǵary táýekelge boı aldyrmaı, kezekten tys prezıdenttik saılaýdy bıyl ótkizý bastamasyn utymdy dep esepteımiz. Bul shara qoǵamda birlik pen yntymaqtyń artýyna óz septigin tıgizeri sózsiz. Elbasy usynǵan «Nurly Jol» baǵdarlamasy mem­le­ke­timizdi bul dúrbeleń kezeńnen qıyn­dyq­syz alyp shyǵaty­ny anyq. Baǵ­darlamany or­yndaý­ǵa «Bolashaq» túlekteri de 100% ­daıyn. Mútáli ÁBÝTÁLIP, «Bolashaq» baǵdarlamasynyń túlegi, Pennsylvania State University, AQSh, «Investorlar Alıansy» QB dırektory. Elbasynyń bastamasymen qolǵa alynǵan «Bolashaq» baǵ­dar­lamasy qazaq jastarynyń shet­elderdegi ozyq oqý oryndary­nan bilim alyp, jan-jaqty jeti­lýine múmkindik berdi. Qazaqstan jas­tarynyń damyǵan elderdiń azamattarymen teńesip, bilimdi de bilikti bolýy – Qazaq eliniń ǵylymı-teh­nıkasy damyǵan, baı da qýat­ty elderdiń qataryna qosylý jo­lyndaǵy alǵashqy qadamy. «Bo­lashaq» baǵdarlamasynyń tú­lekteri búgingi kúnde elimizdiń damýynda strategııalyq mańyz alatyn túrli sektorlarda eńbek etýde, el damýyna óz úlesterin qosýda. «Bolashaq» baǵdarlamasy­nyń 20 jyldan astam ýaqyt tabysty júrgizilýi elimizdiń saıası jaǵdaıynyń turaqtylyǵy­nyń jáne ekonomıkasynyń qaryshtap damýynyń arqasy. Jaqynda kóterilgen pre­zı­denttik saılaýdy kezekten tys ótkizý bastamasy qazir oryn alyp otyrǵan halqaralyq geosaıa­sı jaǵdaıǵa jáne keıbir elderde beleń bergen ekonomıkalyq toqyraýǵa baılanysty ekendigi belgili. Elimizdiń saıası jáne ekonomıkalyq ornyqtylyǵy úshin, qazir qolǵa alynyp otyrǵan memlekettik baǵdarlamalardyń sátti jalǵasýy úshin «Bolashaq» baǵdarlamasynyń túlegi retinde, men prezıdenttik saılaýdyń mer­ziminen buryn ótýin qoldaımyn. Aıqyn ASQAPULY, «Bolashaq» baǵdarlamasynyń túlegi, Pennsylvania State University, AQSh, «Nazarbaev Ýnıversıtet» DBBU-nyń ǵylymı qyzmetkeri. Syrtqy faktorlardyń áserinen qıyndyqtar fazasyna aıaq basyp jatsaq ta, bıýdjetti mıllıardtaǵan teńgege ońtaılandyrý sharalaryn qabyldaýǵa týra kelse de, Prezıdentimiz jastarǵa, olardyń bilim alý qundylyǵyna degen qamqorlyǵyn tómendetken joq. Jaqynda ǵana ótken Úkimettiń keńeıtilgen jıynynda Memleket basshysy qandaı qıyndyq bolsa da bilim berý men densaýlyq saqtaý salalaryn damytý isin júrgize beretindigimizdi shegelep kórsetti. «Bul – adam kapıtalyna salynǵan uzaq merzimdi ınves­tısııa jáne ol bolashaqtaǵy ekonomıkalyq damýǵa negiz bolady», dedi Prezıdent. Rasynda da, 90-jyldardyń qalyptasý kezeńinde-aq bastalǵan bolashaq perspektıvalar úshin bilikti, sapaly kadrlardy shetelderdiń ozyq bilim ordalarynda daıyndaý strategııasy úzilissiz, úzdiksiz qazirgi kúnge deıin jalǵasyn taýyp keledi. О́tken jyldyń sońynda men de «Bolashaq» baǵdarlamasynyń stıpendıaty atandym. «Bolashaq» baǵdarlamasy kóptegen jastardyń ómirlik dańǵyl jolyn aıqyndap berdi. Jas býynnyń azamat retinde, tulǵa retinde qalyptasýyna yqpal etti. Erteńge úmitterin oıatty. Men úshin de osy halyqaralyq «Bolashaq» stıpendııasy aıasynda bilim alý – úlken mártebe. Qazaqstan halqy Assambleıasy Keńesiniń merziminen buryn pre­zıdenttik saılaý ótkizý týraly kótergen bastamasy partııa­lar, qoǵamdyq birlestikter, qaýym­dastyqtar men bedeldi tul­ǵalar tarapynan qoldaý taýyp jatyr. Tarıh ózi baǵasyn beretin qazirgi­deı beıbit kúnniń qadirin, táýelsizdik­­pen birge elimizdi laıyqty basqar­yp, tynyshtyq pen berekege uıyt­qy ­bolyp kele jatqan Memleket basshy­sy Nur­­­sul­tan Ábishuly Nazarbaev­tyń bas­tamalaryna qoldaý bildirý­ge ázirmin. Rahat JAQSYBAI, «Bolashaq» baǵdarlamasynyń stıpendıaty, «Habar» agenttigi AQ baǵdarlamalar óndirisi dıreksııasy arnaıy jobalar qyzmetiniń jetekshisi.