«Qazaqstan halqy Assambleıasy – 20 ıgi is «estafetasy aıasynda uıymdastyrylǵan aksııa sharalaryna Qyzyljar óńiriniń turǵyndary zor qoldaý kórsetti.
Elordadan bastaý alǵan aksııa kerbez Kókshetaý óńirin aralap, endi, mine, qasıetti Qyzyljar jerine, Maǵjan eline de kelip jetti. «Qazaqstan halqy Assambleıasy – 20 ıgi is» respýblıkalyq estafetanyń sımvoly – úlken Taıqazannyń kishi kóshirmesin ala kelgen Aqmola oblysynyń delegasııasyn jergilikti etnomádenı ókilderi qushaq jaıa qarsy alyp, gúl shoqtaryn usyndy. Qonaqtar aldymen Aqqaıyń aýdanyndaǵy Smırnovo qarttar úıine soǵyp, taǵdyrdyń taýqymetimen osynda turyp jatqan jalǵyzilikti jandarmen kezdesti. 1971 jyly boı kótergen ınternatta 13 etnostan quralatyn 345 tárbıelenýshi bar. 38-i – tyl eńbekkerleri. Qarttar úıiniń dırektory Andreı Sembaevtyń aıtýynsha, munda barlyq áleýmettik jaǵdaı jasalǵan. Kúnine bes ret ystyq tamaq beriledi. Medısınalyq blok, stomatologııalyq kabınet jumys isteıdi. Sapardyń mán-maqsatyn Qazaqstan halqy oblystyq assambleıasynyń hatshylyq meńgerýshisi Naaıl Salımov aıtyp berdi.
– Bıyl Qazaqstan halqy Assambleıasynyń 20 jyldyǵy el kóleminde keńinen atap ótiledi. Osyǵan oraı Elbasynyń Jarlyǵymen Qazaqstan halqy Assambleıasy jyly jarııalandy. Ondaǵy maqsat – jurtshylyqty saıası qurylymnyń jumysymen tanystyrý, Táýelsizdigimizdiń asyl qundylyqtaryn nasıhattaý. Qarııasyn qadirlegen elmiz ǵoı. Aksııanyń alǵashqy qadamyn sizderden bastaýdy uıǵardyq, – degen ol molshylyqtyń kepili, jaqsylyqtyń belgisi, barshylyqtyń bazary bolyp tabylatyn taıqazannyń ne sebepti basty sımvolıkalyq belgi retinde alǵanyn túsindirip berdi.
Oblys ortalyǵynan kelgen kórkemónerpazdar án men jyrdan shashý shashty. Qarttar úıine plazmaly teledıdar tartý etildi.
– Ata, uly Jeńistiń 70 jyldyǵy qarsańynda sizdi arnaıy quttyqtaýǵa keldik, – dedi delegasııany 90 jastaǵy soǵys ardageriniń úıine bastap kelgen evreı qaýymdastyǵynyń tóraǵasy Rashbıl Evdaev sózin keýdesi ordender men medaldarǵa toly Ámirhan Muqanov aqsaqalǵa qarata aıtyp. –Bıylǵy mereıli merekeler ulttar men ulystardy ortaq maqsatqa jumyldyrǵan sharalarǵa toly. Ultaralyq tatýlyq pen kelisim – basty baılyǵymyz, altyn dińgegimiz. Assambleıa – tutastyqtyq pen turaqtylyqtyń kıeli besigi.
18 jasynda armııaǵa alynyp, barlaýshy retinde erlik úlgilerin kórsetken maıdangerge syılyq tabys etildi.
Delegasııa músheleri Qyzyljar aýdanyna qarasty damý múmkindigi shekteýli jáne ata-ananyń qamqorlyǵynsyz qalǵan balalarǵa arnalǵan túzetý mektep-ınternatynda bolǵanda tárbıelenýshiler taıqazandy qyzyqtap, shyǵý tarıhy jaıly surasyp jatty. Olarǵa da bazarlyq úlestirilip, syılyq tabystaldy.
Mundaı mazmundy júzdesýden Mamlıýt mektep-ınternat sanatorııiniń baldyrǵandary da shet qalmady. «Altyn júrek» aksııasy sheńberinde qaıyrymdylyq sharalary kórsetildi.
Tikeleı efırde uıymdastyrylǵan kóshpeli baspasóz konferensııasyna ákimdiktiń jaýapty qyzmetkerleri men qoǵamdyq uıym ókilderi qatysyp, aksııa aıasynda atqarylǵan jumystarǵa toqtaldy. Tele únqatysýdy oblys ákiminiń orynbasary Anarhan Dúısenova ashyp, Prezıdenttiń «Bizdiń basty baılyǵymyz – birligimiz. Men aýyzbirshilikten aınymaıtyn aqjúrek jurtymnyń qýatty ultqa, shýaqty ulysqa aınalaryna kámil senemin», degen paıymdaryn eske sala otyryp, halyqtar men dinder arasyndaǵy kelisim Qyzyljar óńiriniń de basty ózegi bolyp tabylatynyn alǵa tartty. Onyń sózin «Orys qaýymdastyǵy» uıymynyń basshysy Nıkolaı Avdeev, «Qazaq tili» qoǵamynyń tóraǵasy Káribaı Musyrman, SQMÝ Qazaqstan Assambleıasy kafedrasynyń jetekshisi Lıýdmıla Grıvennaıa, taǵy basqalary tolyqtyryp, bizdiń Otanymyz – ortaq, tilegimiz – bir, maqsatymyz jalǵyz. Máńgilik El – ata-babalarymyzdyń san myń jyldan bergi asyl armany. Keleshegi kemel Nurly Jolda birligimiz bemek, bosaǵamyz berik bolsyn degen aqjol tilekter aıtty.
Estafetanyń sońǵy núktesi Pogodın atyndaǵy orys drama teatrynda qoıyldy. Onda oblys ákiminiń orynbasary A.Dúısenova Qazaqstan halqy Assambleıasy jylynyń ashylý rásimine oraı uıymdastyrylǵan «20 ıgi is» estafetasynyń sımvoly – Taıqazandy Pavlodar oblystyq assambleıasynyń hatshylyq meńgerýshisi Seısenbaı Jetpisbaevqa dúıim jurtshylyqtyń aldynda saltanatty túrde tabys etti.
Saltanatty rásim sońy konsertke ulasty.
О́mir ESQALI,
«Egemen Qazaqstan».
Soltústik Qazaqstan oblysy.
Sýretterdi túsirgen
Talǵat TÁNIBAEV.
Elordadan bastaý alǵan aksııa kerbez Kókshetaý óńirin aralap, endi, mine, qasıetti Qyzyljar jerine, Maǵjan eline de kelip jetti. «Qazaqstan halqy Assambleıasy – 20 ıgi is» respýblıkalyq estafetanyń sımvoly – úlken Taıqazannyń kishi kóshirmesin ala kelgen Aqmola oblysynyń delegasııasyn jergilikti etnomádenı ókilderi qushaq jaıa qarsy alyp, gúl shoqtaryn usyndy. Qonaqtar aldymen Aqqaıyń aýdanyndaǵy Smırnovo qarttar úıine soǵyp, taǵdyrdyń taýqymetimen osynda turyp jatqan jalǵyzilikti jandarmen kezdesti. 1971 jyly boı kótergen ınternatta 13 etnostan quralatyn 345 tárbıelenýshi bar. 38-i – tyl eńbekkerleri. Qarttar úıiniń dırektory Andreı Sembaevtyń aıtýynsha, munda barlyq áleýmettik jaǵdaı jasalǵan. Kúnine bes ret ystyq tamaq beriledi. Medısınalyq blok, stomatologııalyq kabınet jumys isteıdi. Sapardyń mán-maqsatyn Qazaqstan halqy oblystyq assambleıasynyń hatshylyq meńgerýshisi Naaıl Salımov aıtyp berdi.
– Bıyl Qazaqstan halqy Assambleıasynyń 20 jyldyǵy el kóleminde keńinen atap ótiledi. Osyǵan oraı Elbasynyń Jarlyǵymen Qazaqstan halqy Assambleıasy jyly jarııalandy. Ondaǵy maqsat – jurtshylyqty saıası qurylymnyń jumysymen tanystyrý, Táýelsizdigimizdiń asyl qundylyqtaryn nasıhattaý. Qarııasyn qadirlegen elmiz ǵoı. Aksııanyń alǵashqy qadamyn sizderden bastaýdy uıǵardyq, – degen ol molshylyqtyń kepili, jaqsylyqtyń belgisi, barshylyqtyń bazary bolyp tabylatyn taıqazannyń ne sebepti basty sımvolıkalyq belgi retinde alǵanyn túsindirip berdi.
Oblys ortalyǵynan kelgen kórkemónerpazdar án men jyrdan shashý shashty. Qarttar úıine plazmaly teledıdar tartý etildi.
– Ata, uly Jeńistiń 70 jyldyǵy qarsańynda sizdi arnaıy quttyqtaýǵa keldik, – dedi delegasııany 90 jastaǵy soǵys ardageriniń úıine bastap kelgen evreı qaýymdastyǵynyń tóraǵasy Rashbıl Evdaev sózin keýdesi ordender men medaldarǵa toly Ámirhan Muqanov aqsaqalǵa qarata aıtyp. –Bıylǵy mereıli merekeler ulttar men ulystardy ortaq maqsatqa jumyldyrǵan sharalarǵa toly. Ultaralyq tatýlyq pen kelisim – basty baılyǵymyz, altyn dińgegimiz. Assambleıa – tutastyqtyq pen turaqtylyqtyń kıeli besigi.
18 jasynda armııaǵa alynyp, barlaýshy retinde erlik úlgilerin kórsetken maıdangerge syılyq tabys etildi.
Delegasııa músheleri Qyzyljar aýdanyna qarasty damý múmkindigi shekteýli jáne ata-ananyń qamqorlyǵynsyz qalǵan balalarǵa arnalǵan túzetý mektep-ınternatynda bolǵanda tárbıelenýshiler taıqazandy qyzyqtap, shyǵý tarıhy jaıly surasyp jatty. Olarǵa da bazarlyq úlestirilip, syılyq tabystaldy.
Mundaı mazmundy júzdesýden Mamlıýt mektep-ınternat sanatorııiniń baldyrǵandary da shet qalmady. «Altyn júrek» aksııasy sheńberinde qaıyrymdylyq sharalary kórsetildi.
Tikeleı efırde uıymdastyrylǵan kóshpeli baspasóz konferensııasyna ákimdiktiń jaýapty qyzmetkerleri men qoǵamdyq uıym ókilderi qatysyp, aksııa aıasynda atqarylǵan jumystarǵa toqtaldy. Tele únqatysýdy oblys ákiminiń orynbasary Anarhan Dúısenova ashyp, Prezıdenttiń «Bizdiń basty baılyǵymyz – birligimiz. Men aýyzbirshilikten aınymaıtyn aqjúrek jurtymnyń qýatty ultqa, shýaqty ulysqa aınalaryna kámil senemin», degen paıymdaryn eske sala otyryp, halyqtar men dinder arasyndaǵy kelisim Qyzyljar óńiriniń de basty ózegi bolyp tabylatynyn alǵa tartty. Onyń sózin «Orys qaýymdastyǵy» uıymynyń basshysy Nıkolaı Avdeev, «Qazaq tili» qoǵamynyń tóraǵasy Káribaı Musyrman, SQMÝ Qazaqstan Assambleıasy kafedrasynyń jetekshisi Lıýdmıla Grıvennaıa, taǵy basqalary tolyqtyryp, bizdiń Otanymyz – ortaq, tilegimiz – bir, maqsatymyz jalǵyz. Máńgilik El – ata-babalarymyzdyń san myń jyldan bergi asyl armany. Keleshegi kemel Nurly Jolda birligimiz bemek, bosaǵamyz berik bolsyn degen aqjol tilekter aıtty.
Estafetanyń sońǵy núktesi Pogodın atyndaǵy orys drama teatrynda qoıyldy. Onda oblys ákiminiń orynbasary A.Dúısenova Qazaqstan halqy Assambleıasy jylynyń ashylý rásimine oraı uıymdastyrylǵan «20 ıgi is» estafetasynyń sımvoly – Taıqazandy Pavlodar oblystyq assambleıasynyń hatshylyq meńgerýshisi Seısenbaı Jetpisbaevqa dúıim jurtshylyqtyń aldynda saltanatty túrde tabys etti.
Saltanatty rásim sońy konsertke ulasty.
О́mir ESQALI,
«Egemen Qazaqstan».
Soltústik Qazaqstan oblysy.
Sýretterdi túsirgen
Talǵat TÁNIBAEV.
