Foto: pixabay.com
Saýalnamaǵa 81 elden 799 basshy qatysqan. Qatysýshylardyń shamamen 60 paıyzy tarıfter men saýda kelisimderindegi ózgeristerdi kásiptegi negizgi táýekel faktory ekenin alǵa tartqan. Keıingi kedergi – geosaıası qaqtyǵystar.
Azııa, Eýropa, Úndistan jáne Soltústik Amerıka ókilderi saýda saıasatyn basty qaýip retinde atasa, Qytaıdy ekonomıkalyq turaqsyzdyq, Latyn Amerıkasy men Taıaý Shyǵysty saıası qaqtyǵystar kóbirek alańdatyp otyr.
Alaıda keı kompanııalar ózgeristerden ósý múmkindigin baıqaı alǵan. Saýda ózgeristerin múmkindik dep sanaıtyn basshylardyń úlesi bir jylda eki esege jýyq ósken. 2024 jyldyń sońynda mundaı pikirdegiler 8 paıyzdan 2025 jyldyń kúzinde 15 paıyzǵa deıin artqan.
Respondentterdiń 34 paıyzy saýda sharttarynyń ózgerisine daıyn ekenin aıtqan.
Álem boıynsha kompanııalardyń úshten ekisi AQSh-tyń saýda saıasatynyń yqpalymen bıznes prosesterin qaıta qaraǵan.
Saýda ózgeristerine optımıstik kózqaras Qytaı kompanııalarynyń ókilderinen ańǵarylady. Eýropa men Soltústik Amerıkada pessımıstik kóńil-kúı qalyptasqan.
Respondentterdiń 53 paıyzy aldaǵy jarty jylda elderinde jumyssyzdyq ósedi dep esepteıdi. Bul qatarda Soltústik Amerıka men Eýropa, damýshy elder ókilderi bar. Qytaı osy turǵyda jaǵdaı turaqty ekenin kórsetken.
Sonymen qatar, kompanııalarda kedergilerge qatysty naqty is-qımyldar da bastalǵan. Álem boıynsha kompanııalardyń úshten ekisi AQSh-tyń saýda saıasatynyń yqpalymen bıznes-prosesterin qaıta qaraǵan.
Eń jıi jasalatyn qadamdar ishinde ssenarıılik josparlaý, tarıftik sheshimderdiń yqtımal nátıjelerin taldaý;
• baǵa saıasatyn qaıta qaraý;
• jetkizý tizbekterin túzetý;
• jetkizýshilermen jańa sharttar boıynsha kelissózder jasaý;
• ónim dızaınyn ózgertý jáne kapıtaldy qaıta bólý syndy bastamalar kezdesken.
