Ekspozısııaǵa polısııa qyzmetiniń bir sátin beıneleıtin 25 sýret qoıylǵan. Internet-alaıaqtardy ustaý, saptyq baıqaý, pandemııa kezindegi blok-beketterdegi uıqysyz túnder, balalardy qutqarý operasııalary – bári osy fotokadrlarda kórinis tapqan. Erekshe nazar aýdarǵan fotosýretter 2024 jylǵy rekordtyq sý tasqyny kezinde polıseılerdiń qajyrly eńbegine arnalǵan.
Onda adamdar men úı janýarlaryn evakýasııalaý, qaıyqtarmen jáne attarmen táýlik boıy patrýlde júrý jáne t.b kórinister bar. Taǵy bir kadr 2021 jyldyń aqpanyndaǵy boranda 17 jáne 7 jastaǵy eki aǵaıyndy balany qutqarý sátinen túsirilgen. Aǵasy inisin óz kıimine orap júrgen aqtútekte olardy 70-ten astam adam izdep, aqyry qutqarǵan qýanyshty kórinis kórermenderdi tebirentpeı qoımaıdy.
PETROPAVL
