Ekonomıka • 04 Qarasha, 2025

Aqtóbede órt sóndirý jeńderin óndiretin zaýyt ashyldy

60 ret

kórsetildi

1 mın

oqý úshin

Bul – elimiz boıynsha alǵashqy zaýyt. Joba «O’rt tehnika-Qazaqstan» JShS-men júzege asyrylyp, elimizde ımportty almastyrý jáne órt qaýipsizdigi salasyndaǵy ulttyq óndiristi damytý baǵytynda mańyzdy qadam boldy, dep jazady Egemen.kz.

Shyńǵys MUQAEV

Aqtóbede órt sóndirý jeńderin óndiretin zaýyt ashyldy

Foto: Oblys ákimdigi

О́nimniń basty erekshelikteri – sý ótkizbeıtindigi, joǵary temperatýra men qysymǵa tózimdiligi.

Atalǵan óndiristiń iske qosylýy – eldiń qaýipsizdigi men tehnologııalyq derbestigin nyǵaıtýǵa, sondaı-aq óńir men ulttyq ekonomıkanyń turaqty damýyna úles qosady.

gov.kz

Aqtóbe oblysy ákimdiginiń málimetinshe, kompanııa 2024 jyly qurylǵan. Negizgi baǵyty – áleýmettik, áskerı jáne kommersııalyq nysandarda, sondaı-aq Tótenshe jaǵdaılar mınıstrliginiń bólimshelerinde keńinen qoldanylatyn joǵary tehnologııalyq órt sóndirý jeńderin óndirý.

«О́ńir basshylyǵy tarapynan bizge qoldaý kórsetildi. Sonyń nátıjesinde ındýstrııalyq aımaqtan 1 gektar jer bólindi. Qazir biz testtik kezeńde jumysty bastap kettik. Kásiporyn tolyq qýattylyqqa shyqqannan keıin ındýstrııalyq aımaqta jeke ǵımarat salyp, óndiristik jabdyqtar sanyn arttyrýdy josparlap otyrmyz», dedi kompanııa basshysy Asqar Abdrahmanov.