Qazaqstan halqy Assambleıasynyń quttyqtaý haty

Qurmetti otandastar!

Qasterli mereke kúni cizderdi Uly Otan soǵy­syn­daǵy Jeńistiń 70 jyl­dy­ǵymen shyn júrekten quttyq­taımyz. Jeńis kúni – bul erlik pen áskerı dańq, eldiń birligi men yntymaǵy saltanat quratyn sát. Bul kún – Uly Jeńis jolynda paryz ben namysty alǵa qoıǵan, eli men jeriniń bostandyǵy úshin jan aıamaı jaýǵa qarsy turǵan, qaısar minez batyrlarymyz ben tylda tynymsyz eńbek etken asyl jandardyń eren erliginiń, bıik rýhynyń óshpes dáleli retinde árqashan bizdiń júregimizde. El basyna kún týǵan sátte týǵan jerdiń namysy úshin maıdanǵa attanyp Otan úshin janqııarlyq erlik kórsetken jaýjúrek qaharmandarymyzdyń erlikteri máńgilik el esinde. Bul kúni biz qaısarlyqtyń, qaıtpas rýh pen jalyndy jigerdiń has úlgisin kórsetken barsha soǵys jáne tyl ardagerleriniń aldynda taǵzym etemiz. Bul mereke halqymyzdyń máńgilik maqtanyshy bolyp qala bermek. Qadirli ardagerler, Uly Otan soǵysynyń qatysýshylary jáne tyl eńbekkerleri! Sizder jarqyn keleshek úshin elimizdi jaý­dan erlikpen qorǵaı bildińizder. Sizderdiń týǵan elimizdiń azattyǵy jolyndaǵy jasaǵan erlik isterińizdi jalǵastyrý, urpaqtan-urpaqqa jetkizý – bizdiń boryshymyz. Sizderge jáne jaqyndaryńyzǵa zor densaýlyq, baqyt, otbasylaryńyzǵa yrys, yntymaq tileımiz! Árqashan elimiz tynysh, aspanymyz ashyq bolsyn! Ardagerlerimiz aman bolsyn! Uly Jeńis dańqy máńgilik jasasyn! Qazaqstan halqy Assambleıasy