Álııa rýhyna adaldyq

Uly Jeńistiń 70 jyldyǵy qarsańynda oblysta kóptegen merekelik sharalar uıymdastyrylyp, qaıyrymdylyq aksııalary qanat qaǵýda. Osyndaı adamı ımandylyq isine Aqtóbe oblysynyń sýdıalar qaýymdastyǵy da atsaly­syp, «Ardaǵym – ardagerim» atty aksııa­ny júzege asyrýda. Aksııanyń qatysý­shylary ardagerlerdiń úıine baryp, tur­mysta kómekterin tıgizip, kerekti azyq-tú­lik, dári-dármek, turmysqa qajetti qural­daryn tabystap, jyly lebizderin bildiredi. Oblystyń sýdıalar qaýymdastyǵy aty­nan Qazaqstan Respýblıkasy sýdıalar Odaǵy Aqtóbe fılıalynyń tóraǵasy Dámesh Ábdáli men oblystyq sottyń keńse bas­shysy Áset Mámbetov Keńes Odaǵynyń Baty­ry Álııa Moldaǵulovanyń sińlisi Álip Úsenovanyń úıine baryp, kele jatqan merekemen quttyqtap, jolyna 200 myń teńge ustatty. – Meniń jasym qazir 75-te, qansha ómirim qalǵanyn Alla biledi. Sondyqtan, sońǵy ret apamnyń basyna baryp, topyraq salsam, sodan keıin tynysh uıyqtaıtyn bolamyn. Qazaqtyń Batyr qyzynyń rýhyna adaldyq tanytyp, meniń jaǵdaıymdy túsingenderińe myń da bir rahmet, órkenderiń óssin, – dedi Álip apa rızashylyǵyn bildirip. «Ardaǵym – ardagerim» qaıyrymdylyq aksııasynyń jumysy bir aıǵa sozylady. Aksııa aıasynda Uly Otan soǵysynyń qatysýshylary men sýdıalaryna arnap oblystyq sot ǵımaratynyń aldynda memorıaldyq taqta ashý kózdelýde. Satybaldy SÁÝIRBAI, «Egemen Qazaqstan».  Aqtóbe oblysy.