Ekonomıkalyq ósim bıyl da jalǵasady

Keshe Ortalyq kommýnıkasııalar qyzmetinde «Eko­nomıkalyq zertteýler ınstıtýty» AQ prezıdenti Maq­sat Muqanov pen atalǵan ınstıtýtqa qarasty Makro­ekonomıkalyq jáne qoldanbaly ekonomıka-matematıkalyq zertteý ortalyǵynyń dırektory, ekonomıka ǵylymdarynyń doktory, professor Sara Alpysbaeva baspasóz máslıhatyn ótkizdi. Sharada álemdik ekonomıkadaǵy hal-ahýal sóz bolyp, elimizdegi daǵ­darysqa qarsy jasalǵan baǵdarlamalardyń tıimdiligi jó­ninde áńgime órbidi. «Bizdiń ıns­tıtýt qazirgi zamanǵy ekono­mı­kalyq jaǵdaı men Memleket bas­shysynyń «Nurly Jol – bola­shaqqa bastar jol» atty Joldaýyn júzege asyrý sharalaryn kún­delikti talqylap, saralap otyr. Son­daǵy kózimiz jetkeni, álemdik aýmaly-tókpeli ekonomıkalyq jaǵ­daılarda Qazaqstannyń turaq­ty damý qarqynyn saqtaý úshin strategııalyq sheshim qabyldaý qajet boldy. Osy turǵyda daı­yndalǵan «Nurly Jol» baǵ­darlamasy álemde qalyptasyp otyrǵan kúrdeli ekonomıkalyq jaǵdaıda elimizdiń damý úderisine serpin bererlik joba desek qate­lespeımiz», dedi ınstıtýt pre­zıdenti. Onyń sózine qaraǵanda, ıns­tıtýt aǵymdaǵy jyldyń eko­no­mıkalyq ósimi qandaı bolatynyn da boljap qoıypty. «Bıyl ekonomıka ósimi 1,5 paıyzdy quraıdy dep boljap otyrmyz. Bul munaıdyń bazalyq baǵasyn eskere otyryp jasaldy. Biraq «Nurly Jol» baǵdarlamasy aıasyn­daǵy ınfraqurylymdyq joba­lardy júzege asyrý barysynda bul kórsetkish taǵy da ul­ǵaıýy yqtımal. Sebebi, «Nur­ly Jol» baǵdarlamasy aıasyn­da­ǵy túrli sektorlarda – óner­ká­sip jáne áleýmettik ınfraqu­ry­lym, kólikter kesheni, son­daı-aq kommýnaldyq salada bir­qatar jobalar iske asyrylady. О́ıtkeni, «Nurly Jol» ózge baǵ­dar­lamalardy biriktiredi. Biz­diń zert­teýler kórsetip otyr­ǵan­daı, kólik salasyna tartyl­ǵan ınvestısııalardyń ekonomı­kalyq tıimdiligi joǵary bolmaq. Naq­ty esepke júginsek, árbir dollar­dan túsetin kiris bir jarym dollardy quraıdy. Oǵan qosa, ınfraqurylymdyq damý sa­la­syndaǵy zertteýler kórsetkendeı, 1 mlrd. dollar ınvestısııa kólik sektorynda 20 myńnan astam jumys ornyn ashýǵa múmkindik bergeli tur», dedi M.Muqanov. Ǵalymnyń aıtqandary ras bolsa, atalǵan baǵdarlama ınfra­qu­rylymnyń ózin ǵana damytyp qoımaı, jańa jumys oryndaryn qamtamasyz etedi. Munymen birge, óńirlerdiń óndiristik múm­kindikterin keńeıtip, shaǵyn jáne orta bıznestiń shyǵyndaryn qys­qartady eken. Sondaı-aq, elimizdiń Eýropa men Azııa arasyndaǵy geografııalyq ornyn eskersek, baǵdarlama boıynsha tranzıttik múmkindigimiz eselene artatyn kórinedi. Nurbaı ELMURATOV, «Egemen Qazaqstan».