Aýyl sharýashylyǵyn damytýǵa oń serpin

Jýyrda ǵana ótken Úkimettiń keńeıtilgen otyrysynda Elbasy Nursultan Nazarbaev elimizdiń jetekshi organdarynyń ókilderine bıýdjet qarajatyn múmkindiginshe únemdep paıdalaný kerektigin aıta kele, qazirgi tańda boı kórsetip turǵan qıyndyqtardy eńserý joldaryn atap kórsetken bolatyn. Osynyń aıasynda kúni keshe Prezıdent janyndaǵy Ortalyq kommýnıkasııalar qyzmetinde bas qosqan Májilis depýtattary birshama aqparattarmen bólisti. Álemdik deńgeıdegi ekonomıst sarapshylardyń pikirine súıensek, jahandyq daǵdarys úderisteri aldaǵy ýaqyttarda kúsheıip, sonymen qatar, ekonomıkalyq ósim kórsetkishteri tómendeý boljamyn joqqa shyǵarmaýda. Osy rette Elbasy Úkimettiń keńeıtilgen otyrysyn ótkizip, osyndaı jahandyq daǵdarystyń zardabymen kúresý emes, onyń aldyn alý sharalaryn qolǵa alý kerektigin atap aıtty. Osy tusta Elbasynyń jaǵdaıdy aldyn ala boljap otyrǵan kóregendigin ańǵarýǵa bolady, – degen Parlament Májilisiniń depýtaty, Agrarlyq máseleler jónindegi komıtet múshesi Ulasbek Sádibekov, sondaı-aq, ol Nurly Jol – agrarlyq salanyń damýyna oń serpin beretindigin qosa aıtty. Bul tusta Elbasynyń «Nurly Jol – bolashaqqa bastar jol» atty Joldaýynda bolashaqta Qazaq­stannyń aýyl sharýashylyǵy salasyn qarqyndy damytýdyń jaı-kúıi jan-jaqty baıandalǵan. Joldaýda óńirler arasyndaǵy jol qatynasyn jandandyrý týraly naqty aıtylǵanymen, ol bolashaqta elimizdegi agrarlyq salanyń da keń qanat jaıýyna oń septigin tıgizbek, deıdi Ulasbek Sádibekov. Memleket basshysy álemdik ekono­mıkadaǵy jańa jaǵdaılardy eskere kelgende, negizgi baǵyt aýyl sharýashylyǵy ónimderin jáne azyq-túlik ónerkásibin damytý bolyp sanalatynyn atap aıtqan bolatyn. Osyǵan baılanysty de­­pýtattyń aıtýynsha, búgingi tańda Qa­­zaq­stannyń agrarlyq salasynda tabı­ǵı taza azyq-túlik túrlerin óndirýge zor múmkindikter bar eken. Sonymen qa­­­tar, ol ónimdi ótkizý naryǵy da ke­ńeı­ip otyrǵandyǵyn naqtylady. El tur­ǵyndarynyń 47 paıyzy aýyldy jer­lerde turatyndyǵyn eskersek, azyq-tú­lik sharýashylyǵyndaǵy ónim ón­dirý kólemi az bolmasy belgili. Al endi Eýra­zııalyq ekonomıkalyq odaq aıasynda biz­diń ónimdi tutyný naryǵynyń kólemi 170 mıllıon halyqqa jetip otyr, degen de­pý­tat aýyl sharýashylyǵy salasynyń damyp kele jatqandyǵyna nazar aýdardy. Sonymen qatar, aýyl sharýashylyǵyn damytý máselesine qatysty oralymdy oı aıtqan Májilis depýtaty, palatanyń Agrarlyq máseleler komıtetiniń tóra­ǵasy Romın Mádınov  Qazaqstanda aǵym­daǵy jyly Aýyl sharýashylyǵy mınıstrligin qarjylandyrý 20 mlrd. teńgege ulǵaıǵandyǵyn habarlady. «Parlament Májilisine 2015 jylǵa arnal­ǵan bıýdjetti naqtylaýdyń zań jo­basy keldi. Bul turǵyda men aýyl sharýa­shylyǵy mınıstrligin qarjylandyrý 20 mlrd. teńgege óskendigin aıta alamyn. Iаǵnı, Úkimet pen Parlament osyndaı ekonomıkalyq kúrdeli jaǵdaıda birinshi kezekte aýyl sharýashylyǵyn qarjylandyrý kerektigin túsinedi», dedi depýtat. Onyń aıtýynsha, tarıhı tájirıbe kórsetip otyrǵandaı, aýyl sharýashylyǵy eń aýyr kezeńderdiń ózinde ekonomıkanyń belgili salasy retinde jaqsy nátıje beredi. Bul tusta, ol 2008 jyly, ıaǵnı birinshi álemdik daǵdarys oryn alǵan ýaqytta Qazaqstannyń aýyl sharýashylyǵy 2008-2009 jyldary fızıkalyq kólemde jalpy ónimdilik pen qarjylyq ósimdi kórsetkendigin tilge tıek etti. Elmıra MÁTIBAEVA, «Egemen Qazaqstan».