Respýblıkalyq onomastıkalyq komıssııanyń sheshimimen oǵan Abaı ulttyq mektebi ataýy berildi. Sondaı-aq, bilim berý uıymynyń tujyrymdamasy klassıkalyq bilim berýdi ulttyq jáne halyqaralyq standarttarmen ushtastyra otyryp, Abaı fılosofııasyna, onyń ishinde «bes asyl is» ıdeıasyna negizdelgen.
Basty maqsat - Memleket basshysynyń «Adal azamat» tujyrymdamasy men Abaıdyń «Tolyq adam» ilimine sáıkes boıyna ulttyq qundylyqtardy sińirgen, álemdik básekege qabiletti, tereń bilimdi, bastamashyl, adal azamat tárbıeleý.
«900 orynǵa arnalǵan jańa mektep aýmaǵynda Oqýshylar úıi de boı kóterdi. Oǵan qosa, mektepte uly aqynnyń ómiri men shyǵarmashylyǵyna arnalǵan Abaı murajaıy jumys isteıdi», delingen Oqý-aǵartý mınıstrliginiń baspasóz qyzmetinde.
Aıta ketý kerek, buǵan deıin Abaı mektebine oqýshylardy qabyldaý 8-synyptan júrgizilse, bıylǵy oqý jylynan bastap 7-synyp oqýshylary da qabyldana bastady.
