Qıyndyqtarǵa qaramaı ekonomıkada ilgerileý bar

Keshe ortalyq kommýnıkasııa­lar qyzmetinde Ulttyq ekonomıka mınıstri Erbolat Dosaev baspasóz máslıhatyn ótkizdi. Ol ótken jylǵy áleýmettik-eko­nomıkalyq damýdyń qory­tyn­dylaryn táptishtep, bıylǵy atqa­rylatyn jumystar týraly áńgimeledi. Eldiń ekonomıkalyq áleýeti túrli kórsetkishter arqyly aıqyndalady. Mınıstrdiń sózine qaraǵanda, qazirgideı qıyn kezeńde bizdegi áleýmettik-ekonomıkalyq damý úderisi táp-táýir. «Byltyr Qazaqstan ekonomıkasy álemdik naryqtardaǵy kúrdeli ózgeristerge qaramaı damý úderisin toqtatpady. Máselen, ótken jyly munaı men temir keniniń baǵasy eki ese tómendedi. Soǵan qaramastan, el ekonomıkasy 4,3 paıyzǵa ósip, óndiris – 0,3, aýyl sharýashylyǵy 1,8 paıyz ósimdi qurady. Sondaı-aq, negizgi kapıtalǵa quıylar ınvestısııalar 3,9 paıyzǵa ósti. Jumyssyzdyq burynǵy bes paıyz deńgeıinde saqtalyp, ınflıasııa 7 paıyzdan sál-aq asty», dedi ol. Onyń sózine ılansaq, el azamat­tarynyń ortasha aılyq eńbekaqysy 120 myń 500 teńgege jetip, 3,9 paıyzǵa ósken kórinedi. Elimizdiń halyqaralyq rezervteri de 7,3 paıyzǵa molaıyp, 102,5 mlrd. AQSh dollary bolypty. Jal­py alǵanda, Úkimet ótken jyly der kezinde qabyldaǵan sharalar eldegi mak­ro­ekonomıkalyq jáne qarjylyq turaq­tylyqty saqtaýǵa múmkindik beripti. Brıfıngte «Nurly Jol» baǵ­dar­lamasynyń aıasynda josparlanǵan bar­lyq jobalardy qarjylandyrýdy bastaýǵa tapsyrma berilgendigi de aı­tyldy. «Aldaǵy naýryz aıynyń 10-na deıin Úkimet «Nurly Jol» mem­lekettik baǵdarlamasyna ózgertýler engizip, Memleket basshysyna usynady. Oǵan Elbasynyń daǵdarystyń aldyn alýǵa baılanysty sharasy men prob­le­maly kredıtterdi qarjylandyrý qory, sondaı-aq ekonomıkany ynta­­lan­dy­rýdyń 2-transhyna arnalǵan 250 mlrd. teńge qosylady. Bularmen birge, ulttyq holdıngter, kompanııalar men memlekettik kəsiporyndardyń bıýd­jet­tik shyǵyndaryn ońtaılandyrý da kózdelgen. Parlament Məjilisine «2015-2017 jyldarǵa arnalǵan respýblıkalyq bıýdjet týraly zańynyń» jobasy usynylady. Sebebi, ekonomıkalyq ósý men syrtqy saýda kóleminiń qys­qarýyna baılanysty el bıýdjeti» 10 paıyzǵa ońtaılandyryldy. Munda, birinshi kezekte əleýmettik kómekterdi tolyqtaı oryndaýǵa, jumyssyzdyq deńgeıin ósirmeýge jəne ekonomıkadaǵy kəsipkerlik belsendilikti qoldaý qarastyrylyp otyr», dedi E.Dosaev. Sonymen qatar, ol otandyq kom­panııalardyń ónimderine degen suranysty arttyrýdy jəne jańa jumys oryndaryn uıymdastyrý úshin «Nurly Jol» baǵdarlamasynyń aıasynda josparlanǵan barlyq jobalardy qarjylandyrýdy aqpan aıynan bastaýǵa tapsyrma berilgendigin jetkizdi. Sóıtip, aýqymdy jobalardyń júzege asyrylý barysy týraly áń­gimeledi. «Ortalyq-Ońtústik, Orta­lyq-Shyǵys jáne Ortalyq-Batys jobalary boıynsha kóliktik-logıstıkalyq ıfraqurylymdardy damytý úshin 1019 shaqyrym jolda jumystar jalǵasyn taýyp, jyl sońyna deıin 272 shaqyrymy paıdalanýǵa beriledi. Munymen birge, ındýstrııalyq ınfraqurylymdy damytý baǵytynda aldaǵy jyly «Qor­ǵas – Shyǵys qaqpasy» AEA qury­ly­synyń jumysy tolyq aıaqtaldy. Al, «Ulttyq ındýstrııalyq munaı-hımııa tehnoparki» AEA ınfraqury­lymdarynyń qurylysy bıyl bastalady. Energetıkalyq ınfraqurylymdardy damytý úshin jalpy uzyndyǵy 600 shaqyrymdy quraıtyn «Ekibastuz-Semeı-О́skemen» 500 kVt elektr taratý jelisiniń 200 shaqyrymdyq bóligi salyna bastaıdy», dedi mınıstr. Elimiz bıylǵy jyly Dúnıejúzilik saýda uıymyna kirýdi kózdep otyrǵany málim. Mınıstr jýrnalısterge bul jaǵymdy jańalyqty da aıtyp berdi. «DSU-ǵa kirý úderisteri boıynsha kelissózder sońǵy satysyna shyqty. О́tken jyldyń negizgi qorytyndysy Qazaqstannyń DSU-ǵa kirýdegi bas­ty kelissózshileriniń biri – Eýropa odaǵymen ekijaqty kelissózderdi aıtýǵa bolady. Al, AQSh-pen kelissózder boıynsha negizgi máselelerde ýaǵdalastyqqa qol jetkizilgen. Qazirgi ýaqytta AQSh saýda ókilderimen fıtosanıtarııa talaptaryna baılanysty kelissózder qarqyndy júrgizilýde. Josparymyz boıynsha, sáýir-mamyr aılarynda kelissózderdi tolyǵymen aıaqtaımyz», dedi E.Dosaev. Nurbaı ELMURATOV, «Egemen Qazaqstan».