Uly Otan soǵysynan elge oralǵan ardagerlerdiń basym bóligi urys kezinde alǵan túrli jaraqattarynyń kesirinen ómirden ozǵany belgili. Olar tán jarasyn elemesten, maıdannan kelgen bette el eńsesin tikteýdi murat tutyp, bilek sybana eńbek etti. Sol júz myńdaǵan atalarymyzdyń arasynda óziniń bar kúsh-jigerin áleýmettiń ál-aýqatyn kóterýge jumsaǵan Meırambek KAMALOV ta bar edi.
Aqmola oblysyndaǵy Keńes aýylynda 1922 jyly dúnıege kelgen Meırambek Kamalovtyń balalyq shaǵy aýmaly-tókpeli zamanmen tuspa-tus kelgen-di. Zamana yzǵaryn jastaıynan júregimen sezinip ósken jas Meırambek erte eseıdi. Eline, jerine degen súıispenshiligi ony árkez jigerlendirip, alǵa jeteledi. Qaǵylez, zerek, sezimtal bolyp ósken ol eldiń isine aralasa bastaǵanda kenetten alapat soǵys bastalyp ketip, maıdanǵa attanyp kete bardy.
1942 jyldyń 15 qańtarynda áskerı komıssarıattan shaqyrtý alǵan jas jigit kóppen birge sonaý Ýkraına jerin jaýdan qorǵap, nebir qanquıly shaıqastarǵa qatysty. Namysty qoldan bermedi. Otan aldyndaǵy boryshyn adal óteýden basqa eshteńe oılamaǵan Meırambek jaýynger dostarynyń senimdi serigi, komandırleriniń jaýjúrek sarbazy bola bildi. Maıdan dalasynda birneshe ret jaraqat alǵan ol gospıtaldan shyǵa salysymen óz bólimine qaıta oralyp otyrdy. Alaıda, sońǵy ret snarıad jaryqshaǵynan alǵan jaraqaty jaýyngerge óte aýyr tıdi. Ol Dnepropetrovsk, Ferǵana qalalaryndaǵy evakogospıtaldarda em qabyldady. Sodan, 1944 jyldyń maýsymynda zapastaǵy jaýynger retinde eline qaıtaryldy.
Soǵystan oralǵan M.Kamalov eline kelgen bette jumysqa aralasty. Ol Aqmola oblysyndaǵy birqatar aýyldarda esepshilik qyzmet atqara júrip, elimizdiń aýyl sharýashylyǵy salasynyń damýyna súbeli úles qosty.
Soǵys bastalmaı turyp úılengen jan jary Qalıman Nurmaǵanbetqyzy ekeýi 52 jyl birge jasady. Olar Qudaıdyń bergen ul-qyzdaryn jetildirip, ósirip baqytty otbasy qura bildi. 15 nemere súıdi. Búginde Kamalovtar áýletinen taraǵan urpaq ata-analarynyń ónegeli jolyn jalǵastyryp keledi.
Meırambek Kamalovtyń soǵystaǵy erligi, beıbit ómirdegi tókken teri óteýsiz qalǵan joq. Ol II dárejeli «Uly Otan soǵysy» ordenimen, «Erligi úshin», «Eńbek ardageri» jáne basqa da kóptegen medaldarmen marapattaldy.
1994 jyly 72 jasynda ómirden ozǵan maıdangerdiń esimi Uly Otan soǵysyna qatysqan ardaqty ardagerlerdiń qatarynda qurmetpen atalyp júretinine senemiz. О́ıtkeni, ol jeńimpaz ardagerlerimizdiń ókili.
Joldybaı BAZAR, «Egemen Qazaqstan».
ASTANA.
Aqmola oblysyndaǵy Keńes aýylynda 1922 jyly dúnıege kelgen Meırambek Kamalovtyń balalyq shaǵy aýmaly-tókpeli zamanmen tuspa-tus kelgen-di. Zamana yzǵaryn jastaıynan júregimen sezinip ósken jas Meırambek erte eseıdi. Eline, jerine degen súıispenshiligi ony árkez jigerlendirip, alǵa jeteledi. Qaǵylez, zerek, sezimtal bolyp ósken ol eldiń isine aralasa bastaǵanda kenetten alapat soǵys bastalyp ketip, maıdanǵa attanyp kete bardy.
1942 jyldyń 15 qańtarynda áskerı komıssarıattan shaqyrtý alǵan jas jigit kóppen birge sonaý Ýkraına jerin jaýdan qorǵap, nebir qanquıly shaıqastarǵa qatysty. Namysty qoldan bermedi. Otan aldyndaǵy boryshyn adal óteýden basqa eshteńe oılamaǵan Meırambek jaýynger dostarynyń senimdi serigi, komandırleriniń jaýjúrek sarbazy bola bildi. Maıdan dalasynda birneshe ret jaraqat alǵan ol gospıtaldan shyǵa salysymen óz bólimine qaıta oralyp otyrdy. Alaıda, sońǵy ret snarıad jaryqshaǵynan alǵan jaraqaty jaýyngerge óte aýyr tıdi. Ol Dnepropetrovsk, Ferǵana qalalaryndaǵy evakogospıtaldarda em qabyldady. Sodan, 1944 jyldyń maýsymynda zapastaǵy jaýynger retinde eline qaıtaryldy.
Soǵystan oralǵan M.Kamalov eline kelgen bette jumysqa aralasty. Ol Aqmola oblysyndaǵy birqatar aýyldarda esepshilik qyzmet atqara júrip, elimizdiń aýyl sharýashylyǵy salasynyń damýyna súbeli úles qosty.
Soǵys bastalmaı turyp úılengen jan jary Qalıman Nurmaǵanbetqyzy ekeýi 52 jyl birge jasady. Olar Qudaıdyń bergen ul-qyzdaryn jetildirip, ósirip baqytty otbasy qura bildi. 15 nemere súıdi. Búginde Kamalovtar áýletinen taraǵan urpaq ata-analarynyń ónegeli jolyn jalǵastyryp keledi.
Meırambek Kamalovtyń soǵystaǵy erligi, beıbit ómirdegi tókken teri óteýsiz qalǵan joq. Ol II dárejeli «Uly Otan soǵysy» ordenimen, «Erligi úshin», «Eńbek ardageri» jáne basqa da kóptegen medaldarmen marapattaldy.
1994 jyly 72 jasynda ómirden ozǵan maıdangerdiń esimi Uly Otan soǵysyna qatysqan ardaqty ardagerlerdiń qatarynda qurmetpen atalyp júretinine senemiz. О́ıtkeni, ol jeńimpaz ardagerlerimizdiń ókili.
Joldybaı BAZAR, «Egemen Qazaqstan».
ASTANA.
