Oblystyq Polısııa departamenti baspasóz qyzmeti keltirgen derekke júginsek, jol-kólik oqıǵalarynyń sany 27,3 paıyzǵa kóbeıgen. Al onda qaza bolǵandar sany 1,8 paıyzǵa azaıǵan.
Taldaý jumystarynyń nátıjesine sensek, kólik júrgizýshileriniń belgilengen jyldamdyq rejıminen asyp ketýi, qarsy qozǵalys jolaǵyna shyǵýy, kólik quraldarynyń tehnıkalyq aqaýy sekildi tútıkilder jol-kólik oqıǵalaryna sebepshi bolyp otyr. Iаǵnı, kólik quraldarynyń 70 paıyzdan kóbi 20 jyldan asqan. Qazirgi ýaqytta jol-kólik oqıǵalarynyń jıiligi men qozǵalys qarqyndylyǵy boıynsha júrgizilgen monıtorıngke sáıkes, joldardyń belgili bir ýchaskelerinde reıdtik is-sharalar men tekserýler júrgizý maqsatynda, PD JPQB jáne ÁPB apparattarynyń qosymsha kúshteri men quraldary jumyldyrylýda. Oblys aýmaǵynda, onyń ishinde qalalyq jáne jergilikti mańyzdaǵy avtojoldarda jol-kólik oqıǵalary sanyn azaıtý jáne jol qozǵalysy qaýipsizdigin arttyrý maqsatynda bıyl taǵy úsh «Avtoýragan» stasıonarlyq keshenin satyp alý josparlanǵan.
Jalpy jyl basynan 517715 quqyqbuzýshylyq anyqtalǵan, onyń ishinde polısııa qyzmetkerlerimen 194 542 hattama toltyrylypty. Onyń ishinde 833 júrgizýshi mas kúıinde kólik quralyn basqarǵany úshin ustaldy jáne jyldamdyq rejımin buzǵan 284 myń 839 derek anyqtaldy, 4544 avtokólik aıyp turaǵyna qoıyldy.
Skýterler men samokattardyń júrgizýshilerimen jumys qarqyndy júrgizilýde, olarǵa qatysty 942 ákimshilik hattama toltyrylyp, 411-i aıyp turaǵyna qoıyldy. Jyl basynan 1794 birlik moped tirkeýge qoıylypty.
