Energetıka • 12 Qarasha, 2025

Suıytylǵan munaı gazynyń kóterme shekti baǵasy qaıta bekitilýi múmkin

81 ret

kórsetildi

1 mın

oqý úshin

Energetıka mınıstrligi Qazaqstannyń ishki naryǵynda suıytylǵan munaı gazyn turaqty jetkizý jáne baǵany ustap turý maqsatynda kóterme saýdadaǵy shekti baǵalardy burynǵy deńgeıde qaldyrýǵa arnalǵan buıryq jobasyn talqylaýǵa shyǵardy. Qujatqa pikir bildirý merzimi 25 qarashaǵa deıin jalǵasady, dep habarlaıdy Egemen.kz.

Qyrmyzy JUMAǴALIQYZY

Suıytylǵan munaı gazynyń kóterme shekti baǵasy qaıta bekitilýi múmkin

Foto: Ashyq derekkóz

«Qazaqstan Respýblıkasynyń ishki naryǵyna suıytylǵan munaı gazyn berý jospary sheńberinde taýar bırjalarynan tys ótkiziletin suıytylǵan munaı gazynyń kóterme saýdada ótkizýdiń shekti baǵalaryn bekitý týraly» buıryq jobasyn Ashyq NQA portalynda kópshilik talqylaýyna shyǵardy.

Mınıstrliktiń habarlaýynsha, jobanyń negizgi maqsaty – ishki naryqtaǵy baǵanyń turaqtylyǵyn saqtaý jáne suıytylǵan munaı gazyn úzdiksiz jetkizýdi qamtamasyz etý. Qujat qabyldansa, 2026 jyldyń 1 qańtarynan bastap shekti kóterme baǵalar burynǵy deńgeıde bekitiledi.

Buıryq jobasy áleýmettik-ekonomıkalyq nemese quqyqtyq jaǵynan teris áser týǵyzbaıtyny atap ótilgen. Sonymen qatar, baǵany qaıta belgileý ishki naryqty turaqty qamtamasyz etýge jáne óndirýshiler men tutynýshylar arasyndaǵy tepe-teńdikti saqtaýǵa baǵyttalǵan.

Buǵan deıin mınıstrlik suıytylǵan gazdy el aýmaǵynan eksporttaýǵa salynǵan tyıymdy taǵy alty aıǵa uzartý týraly qujatty da kópshilik talqylaýyna shyǵarǵan bolatyn.