Jańa nysannyń ashylý rásimine temir jol salasynyń qyzmetkerleri, «Astana Railway Services» JShS dırektory Amanbaı Aıtjanov, Áýlıekól aýdanynyń ákimi Jansultan Táýkenov qatysty.
«Joba temirjol salasyn jańǵyrtý strategııasy aıasynda iske asyrylyp otyr. Jańa sheberhana óńirdiń óndiristik áleýetin damytýǵa, eńbek ónimdiligin arttyrýǵa jáne jańa jumys oryndaryn qurýǵa baǵyttalǵan. Prezıdent óz Joldaýlarynda ınjenerlik-tehnıkalyq kadrlardy qoldaýdyń, óndiristik mamandyqtardy damytýdyń jáne jańa jumys oryndaryn qurýdyń mańyzdy ekenin birneshe ret atap ótti. Temir jol toraby úshin asa mańyzdy bul sheberhananyń iske qosylýy – memleket pen bıznestiń birlesken kúsh-jigeriniń nátıjesi. Munda jumys isteıtin qyzmetkerlerge jumys isteýge, kásibı bilimin jetildirýge jaǵdaı jasalǵan», dedi Amanbaı Aıtjanov.
Áýlıekól aýdanynyń ákimi Jansultan Táýkenov atalǵan joba aýdannyń áleýmettik-ekonomıkalyq damýynda mańyzdy ekenin aıtty.
«Mundaı óndiris oryndary ónerkásiptiń damýyna, jumys oryndarynyń kóptep ashylýyna jáne aýyl turǵyndarynyń turǵyndardyń ál-aýqatynyń jaqsarýyna septigin tıgizedi. Jańa jumys oryndary, turaqty tabys jáne ınfraqurylymǵa salynǵan ınvestısııalar tikeleı halyq ómiriniń sapasyna áser etedi», dedi ákim.
Arnaıy joǵary tehnologııalyq qurylǵylarmen jabdyqtalǵan sheberhana jylyna 4 jarym myńǵa jýyq vagon dońǵalaǵyn kúrdeli jóndeýden ótkize alady.
Qostanaı oblysy
