Sonaý 1941-45 jyldardaǵy aýyrtpalyq pen qaıǵy-qasirettiń ýytyn basyp, bizdi búgingi beıbit kúnge jetkizgen eńbegi eren ardagerlerimizdi qanshalyqty ulyqtasaq ta jarasady. Bul tusta olardy jadymyzdan óshirmeı, sanamyzǵa sińire otyryp, urpaqqa úlgi etý – paryz. Sondyqtan da, osy oraıda jyl saıyn joǵary deńgeıde toılanyp, erekshe eskerilip, aıryqsha atalyp ótetin merekede «QazMunaıGaz» UK» AQ ujymy da belsendilik tanytyp keledi.
Atalǵan kompanııa elimizdiń bas qalasy Astanada úlken merekelik shara ótkizip, onda birqatar ardagerlerimizdi shaqyrtyp, arnaıy syı-sııapat jasap, olarǵa shynaıy rızashylyǵyn bildirdi. Jıynǵa 50-den astam Uly Otan soǵysynyń ardagerleri qatysyp, sonymen qatar, Atyraý oblysynan munaı-gaz salasynda eńbek etken soǵys ardagerleri de keldi. Olardy «QazMunaıGaz» UK» AQ basqarma tóraǵasynyń tasymaldaý jónindegi orynbasary Qaıyrgeldi Qabyldın, basqarma tóraǵasynyń servıstik jobalar jónindegi orynbasary Nurtas Shmanov, basqarma tóraǵasynyń teńiz jáne jekelegen munaı-servıs jobalary jónindegi orynbasary Tımýr Bımaǵambetov, adamı resýrstardy basqarý jáne eńbekaqy tóleý jónindegi basqarýshy dırektor Serik Ábdenov quttyqtady.
Jıynda Magnıtogorsk áskerı ýchılıshesiniń túlegi, Chehoslovakııa men Vengrııa qalalaryn azat etýge qatysýshy, 120-jeke gvardııalyq polkiniń ushqyshy bolǵan ardager О́táli Balǵymbaev, 98-gvardııalyq áýe-desant dıvızııasynyń jaýyngeri, Býdapesht, Vena, Praga úshin urystarǵa qatysýshy Baǵıt Qýanyshev sóz sóıledi.
Merekelik basqosýda ardagerler sóz sóılep, ózderine kórsetilgen qoshemetke alǵystaryn jetkizip jatty. Búgingi Jeńistiń jetpis jyldyq meıramyna jetkenine, qazirgi urpaqtyń bilimdi de patrıot bolyp ósip jatqandyǵyna kýá ekendigin aıtqan Moskva túbindegi jáne Lenıngrad qorǵanysy urystaryna qatysqan Orynǵalı Qarasaev osy kúnge shúkirshilik bildirdi.
Surapyl da joıqyn soǵysta qyrshynynan qıylǵan jaýyngerler esimi el esinde máńgi saqtalady. Osy turǵyda ulttyq kompanııa bıyl da ıgi sharanyń iske asýyna úles qosty. «QazMunaıGaz» ulttyq kompanııasy «Munaıshy» qorymen birlese otyryp «Jetpis jyl jelbireıdi Jeńis týy» atty jınaq shyǵardy. Búgingi jıynda tusaýkeseri ótkizilgen atalmysh kitap munaıshylardyń aýyr jyldardaǵy maıdan men eńbek dalasyndaǵy eren erligin pash etedi.
Kitaptyń tusaýkeserinde birinshi bolyp sóz alǵan Serik Ábdenov 1941-1945 jyldar arasyndaǵy ýaqyttyń ońaı aıtylǵanymen, osynaý tórt jyl ishinde qanshama qasiret pen qıynshylyqtyń bolyp ótkendigin ataı kele, osy ýaqytta adamzat tarıhyna tán jaǵdaıdyń bolǵandyǵyn jetkizdi. Bolashaq urpaqqa máńgilik úlgi bolar, ózindik ónegesimen qundy, batyrlyǵymen este qalar ardagerlerimizdiń kózi tirisinde erekshe baǵalanýy qajet ekendigin atap ótti. Osynyń bir kórinisi retinde, «QazMunaıGaz» ulttyq kompanııasy «Munaıshy» qoǵamdyq qorymen birlesip «Jetpis jyl jelbireıdi Jeńis týy» atty jınaq shyǵarǵandyǵyn kóldeneń tartty. Osynaý merekelik sharanyń birden-bir maqsaty da batyrlarymyzdy ulyqtap qana qoımaı, olarǵa arnalǵan kitaptyń tusaýkeserin ótkizý bolǵandyǵyn atap kórsetti.
Kelesi kezekte jańa kitaptyń mán-mazmunyn ashyp, ondaǵy ereksheliktermen tanystyrǵan N.Á.Marabaev atyndaǵy «Munaıshy» qoǵamdyq qory atqarýshy dırektory Saılaý Jylqaıdarov atalǵan kitapty jazý barysynda «Soǵys – bardy joq etetin, taýdy jer etetin, jer betindegi tirshilik ataýlyny kúıretetin joıqyn kúsh!» dep aıtty.
Saltanatty sharada maıdan shebinde janyn pıda etken jaýyngerlerdi bir mınýt únsizdikpen eske alyp, Otan úshin otqa túsip, Jeńis syılaǵan ardagerlerge taǵzym etildi. Surapyl da joıqyn soǵysta qyrshynynan qıylǵan jaýyngerler esimi el esinde máńgi saqtalatyndyǵyn kompanııadaǵy jıyn taǵy da dáleldedi. Olardy árkez eske alyp, rýhyna taǵzym etý – keıingi urpaqtyń eń basty paryzy ekeniniń aıqyn mysaly bolǵan osy kezdesýde áskerı ánder shyrqalyp, merekelik konsert ótti.
Elmıra MÁTIBAEVA, «Egemen Qazaqstan».
Sonaý 1941-45 jyldardaǵy aýyrtpalyq pen qaıǵy-qasirettiń ýytyn basyp, bizdi búgingi beıbit kúnge jetkizgen eńbegi eren ardagerlerimizdi qanshalyqty ulyqtasaq ta jarasady. Bul tusta olardy jadymyzdan óshirmeı, sanamyzǵa sińire otyryp, urpaqqa úlgi etý – paryz. Sondyqtan da, osy oraıda jyl saıyn joǵary deńgeıde toılanyp, erekshe eskerilip, aıryqsha atalyp ótetin merekede «QazMunaıGaz» UK» AQ ujymy da belsendilik tanytyp keledi.
Atalǵan kompanııa elimizdiń bas qalasy Astanada úlken merekelik shara ótkizip, onda birqatar ardagerlerimizdi shaqyrtyp, arnaıy syı-sııapat jasap, olarǵa shynaıy rızashylyǵyn bildirdi. Jıynǵa 50-den astam Uly Otan soǵysynyń ardagerleri qatysyp, sonymen qatar, Atyraý oblysynan munaı-gaz salasynda eńbek etken soǵys ardagerleri de keldi. Olardy «QazMunaıGaz» UK» AQ basqarma tóraǵasynyń tasymaldaý jónindegi orynbasary Qaıyrgeldi Qabyldın, basqarma tóraǵasynyń servıstik jobalar jónindegi orynbasary Nurtas Shmanov, basqarma tóraǵasynyń teńiz jáne jekelegen munaı-servıs jobalary jónindegi orynbasary Tımýr Bımaǵambetov, adamı resýrstardy basqarý jáne eńbekaqy tóleý jónindegi basqarýshy dırektor Serik Ábdenov quttyqtady.
Jıynda Magnıtogorsk áskerı ýchılıshesiniń túlegi, Chehoslovakııa men Vengrııa qalalaryn azat etýge qatysýshy, 120-jeke gvardııalyq polkiniń ushqyshy bolǵan ardager О́táli Balǵymbaev, 98-gvardııalyq áýe-desant dıvızııasynyń jaýyngeri, Býdapesht, Vena, Praga úshin urystarǵa qatysýshy Baǵıt Qýanyshev sóz sóıledi.
Merekelik basqosýda ardagerler sóz sóılep, ózderine kórsetilgen qoshemetke alǵystaryn jetkizip jatty. Búgingi Jeńistiń jetpis jyldyq meıramyna jetkenine, qazirgi urpaqtyń bilimdi de patrıot bolyp ósip jatqandyǵyna kýá ekendigin aıtqan Moskva túbindegi jáne Lenıngrad qorǵanysy urystaryna qatysqan Orynǵalı Qarasaev osy kúnge shúkirshilik bildirdi.
Surapyl da joıqyn soǵysta qyrshynynan qıylǵan jaýyngerler esimi el esinde máńgi saqtalady. Osy turǵyda ulttyq kompanııa bıyl da ıgi sharanyń iske asýyna úles qosty. «QazMunaıGaz» ulttyq kompanııasy «Munaıshy» qorymen birlese otyryp «Jetpis jyl jelbireıdi Jeńis týy» atty jınaq shyǵardy. Búgingi jıynda tusaýkeseri ótkizilgen atalmysh kitap munaıshylardyń aýyr jyldardaǵy maıdan men eńbek dalasyndaǵy eren erligin pash etedi.
Kitaptyń tusaýkeserinde birinshi bolyp sóz alǵan Serik Ábdenov 1941-1945 jyldar arasyndaǵy ýaqyttyń ońaı aıtylǵanymen, osynaý tórt jyl ishinde qanshama qasiret pen qıynshylyqtyń bolyp ótkendigin ataı kele, osy ýaqytta adamzat tarıhyna tán jaǵdaıdyń bolǵandyǵyn jetkizdi. Bolashaq urpaqqa máńgilik úlgi bolar, ózindik ónegesimen qundy, batyrlyǵymen este qalar ardagerlerimizdiń kózi tirisinde erekshe baǵalanýy qajet ekendigin atap ótti. Osynyń bir kórinisi retinde, «QazMunaıGaz» ulttyq kompanııasy «Munaıshy» qoǵamdyq qorymen birlesip «Jetpis jyl jelbireıdi Jeńis týy» atty jınaq shyǵarǵandyǵyn kóldeneń tartty. Osynaý merekelik sharanyń birden-bir maqsaty da batyrlarymyzdy ulyqtap qana qoımaı, olarǵa arnalǵan kitaptyń tusaýkeserin ótkizý bolǵandyǵyn atap kórsetti.
Kelesi kezekte jańa kitaptyń mán-mazmunyn ashyp, ondaǵy ereksheliktermen tanystyrǵan N.Á.Marabaev atyndaǵy «Munaıshy» qoǵamdyq qory atqarýshy dırektory Saılaý Jylqaıdarov atalǵan kitapty jazý barysynda «Soǵys – bardy joq etetin, taýdy jer etetin, jer betindegi tirshilik ataýlyny kúıretetin joıqyn kúsh!» dep aıtty.
Saltanatty sharada maıdan shebinde janyn pıda etken jaýyngerlerdi bir mınýt únsizdikpen eske alyp, Otan úshin otqa túsip, Jeńis syılaǵan ardagerlerge taǵzym etildi. Surapyl da joıqyn soǵysta qyrshynynan qıylǵan jaýyngerler esimi el esinde máńgi saqtalatyndyǵyn kompanııadaǵy jıyn taǵy da dáleldedi. Olardy árkez eske alyp, rýhyna taǵzym etý – keıingi urpaqtyń eń basty paryzy ekeniniń aıqyn mysaly bolǵan osy kezdesýde áskerı ánder shyrqalyp, merekelik konsert ótti.
Elmıra MÁTIBAEVA, «Egemen Qazaqstan».
