Oqıǵa • 13 Qarasha, 2025

Otandyq taksı naryǵyna jańa kompanııa kelýi múmkin

70 ret

kórsetildi

1 mın

oqý úshin

Halyqaralyq Veon kompanııasy Qazaqstanda sıfrlyq ekojúıe qalyptastyrýǵa kiristi. Bloomberg agenttiginiń málimetinshe, kompanııa qazirdiń ózinde OLX Group-tyń elimizdegi bólimshesin satyp alý jóninde kelisimge kelgen. Endigi maqsat – Kaspi.kz sııaqty iri fınteh kompanııasymen, sondaı-aq «Iаndeks» basqarýyndaǵy jergilikti taksı servısterimen básekege túsý, dep habarlaıdy Egemen.kz.

Qyrmyzy JUMAǴALIQYZY

Otandyq taksı naryǵyna jańa kompanııa kelýi múmkin

Foto: istockphoto.com

Veon bas dırektory Kaan Terzıoglýnyń aıtýynsha, kompanııa óz bıznesin dástúrli ınfraqurylymnan sıfrlyq qyzmetterge deıin ártaraptandyrýǵa nıetti. Qazirgi tańda Veon jalpy tabysynyń 18 paıyzyn sıfrlyq baǵyttan tabady, al úsh jyl ishinde bul kórsetkishti 50 paıyzǵa deıin arttyrýdy kózdep otyr.

Qazaqstanda Veon kompanııasy Simply platformasy arqyly qarjylyq qyzmetterin usynyp keledi. Terzıoglýdyń sózinshe, taksı men jetkizý qyzmetin iske qosý úshin aldaǵy 12 aıda qala tańdalyp, jobanyń alǵashqy kezeńi bastalady.

Buǵan qosa, ótken aptada Beeline Kazakhstan (Veon enshiles kompanııasy) Starlink Direct to Cell jobasymen kelisimge kelgeni belgili boldy. Osy seriktestik arqyly 2026 jyldan bastap Qazaqstan turǵyndary spýtnıktik baılanys arqyly habarlama jibere alady, al keıinirek jahandyq jelige tikeleı qosylý múmkindigi paıda bolady.