Palata málimetinshe, birneshe óńirde arnaıy salyq rejımi (ASR) aıasynda jumys isteıtin bıznes úshin jeńildetilgen deklarasııa negizindegi salyq mólsherlemeleri tómendetildi.
Salyq mólsherlemesi tómendetilgen óńirler:
-
Aqmola oblysy – barlyq aýdandarda 2%, tek Jaqsy aýdanynan basqa;
-
Atyraý oblysy – Atyraý, Mahambet jáne Jylyoı aýdandarynda 2%;
-
Shyǵys Qazaqstan oblysy – О́skemen qalasynda 2%;
-
Soltústik Qazaqstan oblysy – Aqqaıyń aýdanynda 3%.
Jańa arnaıy salyq rejımi boıynsha bazalyq mólsherleme 4% deńgeıinde belgilenedi. Al 2 jáne 3% jeńildetilgen mólsherlemelerdi óńirler máslıhattarynyń sheshimimen shaǵyn jáne orta bıznesti qoldaý maqsatynda engizýge múmkindik berilgen.
«Jańa arnaıy salyq rejımi boıynsha salyq mólsherlemelerin 1 jeltoqsanǵa deıin bekitý qajet. Bul bızneske óz qyzmetin josparlap, 2026 jyldan bastap jańa sharttarǵa kóshýge jetkilikti ýaqyt beredi, óıtkeni osy kúnnen bastap burynǵy arnaıy rejımder kúshin joıady», dep málimdedi «Atameken» palatasy.
Eske sala ketsek, 2026 jylǵy 1 qańtardan bastap bólshek saýda salyǵy rejımi alynyp tastalyp, onyń ornyna jeńildetilgen deklarasııa negizindegi jańartylǵan arnaıy salyq rejımi engiziledi.
Sonymen qatar, Almaty ákimdigi shaǵyn jáne orta bıznes úshin salyq mólsherlemesin 3%-ǵa, al Astanada — 2%-ǵa deıin tómendetýdi usyndy.
