Onyń ishinde О́zbekstannan keletin týrıster sany da aıtarlyqtaı artqan. Eger 2024 jyly 12,5 myń ózbekstandyq azamat kelse, bıylǵy 9 aıda olardyń sany 26 myńnan asty.
О́ńirdiń basty nysandarynyń biri – IýNESKO-nyń Búkilálemdik muralar tizimine engizilgen Qoja Ahmet Iаsaýı kesenesi. Sonymen qatar oblys aýmaǵynda 1 780-nen astam tarıh jáne mádenıet eskertkishi, 4 erekshe qorǵalatyn tabıǵı aýmaq ornalasqan. Túrkistan qalasynda jylyna 3 mıllıonnan astam jolaýshyǵa qyzmet kórsetetin halyqaralyq áýejaı jumys isteıdi. Oblys ákimdigi Túrkistan men О́zbekstannyń qalalary arasynda jańa tikeleı áýe reısterin ashýdy qoldaýǵa daıyn. Sonyń ishinde Túrkistan – Úrgenish – Túrkistan baǵytyn iske qosý múmkindigin qarastyrýda. Sondaı-aq avtokólik jáne temirjol qatynasyn jaqsartýdy, týrıstik baǵyttardy damytýdy jáne týrısterdiń shekaradan yńǵaıly ótýi úshin «jasyl dálizder» uıymdastyrýdy qamtıtyn birlesken kólik-logıstıkalyq jobalardy damytýǵa da múddeli.
TÚRKISTAN
