71 jastaǵy sportshy qurlyq dodasynan bes medal oljalady: 400 metrlik qashyqtyqqa júgirýde chempıon atansa, 200 metrlik qashyqtyqta, sondaı-aq 4×400 metrlik estafetada kúmis medal enshiledi. 100 metrlik qashyqtyqqa jekeleı saıyspen 4×100 metrlik estafetada qola medal aldy.
Bıylǵy «Asia Masters Athletics» saıysy «Masters Athletics Federation of India» uıymynyń qoldaýymen ótti. «Masters Athletics» – bási joǵary, áýesqoılar men burynǵy kásibı sportshylardy biriktiretin halyqaralyq saıys. Azııa qurlyǵy chempıonaty eki jyl saıyn uıymdastyrylyp, 35 jastan asqan sportshylar qatysady. Dodaǵa qatysýshylar tek medal úshin baq synap qoımaı, salamatty ómir saltyn nasıhattaýǵa da úles qosady. Zeınetker Tólegen Qojahmetov osy tabysymen jetistikke jetýde jas shekteýi joqtyǵyn kórsetti. Azııa chempıonatyna «Almaty Management University»-diń qoldaýymen attanǵan sportshyny Almaty áýejaıynda oqý ornynyń stýdentteri zor qoshemetpen qarsy aldy.
«Almaty Management University» áleýmettik bastamalar men sporttyq is-sharalarǵa árdaıym qoldaý kórsetedi. Bıyl úshinshi márte Soltústik Qazaqstan oblysy, Aıyrtaý aýdany, Lobanovo aýylynda «Mýsın-Ivanov trassasy» atty shańǵy jarysy ótedi. Jarystyń maqsaty – shańǵy sportyn nasıhattap, jastardy tartý. Is-sharaǵa tanymal sportshy, Lıllehammer qysqy Olımpıadasynyń jeńimpazy, tórt dúrkin álem chempıony Vladımır Smırnov qatysady dep josparlanyp otyr.
