Spıkerdiń aıtýynsha, 2025 jyly basqarmamen tabıǵat paıdalanýshylardyń ótinimi negizinde 6 500 tonnaǵa jýyq balyq aýlaýǵa 590 memlekettik qyzmet kórsetildi. Al, kásipshilik balyq aýlaý boıynsha 2025 jyldyń I jarty jyldyǵynda 4 150 tonna balyq aýlanǵan.
- О́ńirde balyq ósirýmen úsh mekeme aınalasady. Atap aıtqanda «Kazakh Osseter» ǵylymı óndiristik kásiporny» men «Caspian Riviera» JShS bekire tuqymdas balyq túrlerin al, «Nataly Company» mekemesi jaıyn balyǵyn ósiredi. Bul kásiporyndar balyqtaryn sýdy qaıta padalaný arqyly, ıaǵnı tuıyq sý aınalymy júıesinde ósirip keledi, - dedi Arman Moldashev.
Sondaı-aq, brıfıng barysynda spıker teńiz jaǵalaýy boıynsha 6 balyq sharýashylyq aýdany 33 ýchaskege bólingendigin aıtty.
- Jyl basynan beri 21 kásipshilik balyq aýlaý ýchaskesi 13 tabıǵat paıdalanýshylarǵa bekitilip berilgen. Onyń Túpqaraǵan aýdany boıynsha 13 balyq sharýashylyǵy ýchaskesi segiz tabıǵat paıdalanýshyǵa, Qaraqııa aýdany boıynsha 8 balyq sharýashylyǵy ýchaskesi alty tabıǵat paıdalanýshyǵa bekitilgen. Qalǵan 12 ýchaske rezervte, - dedi Arman Moldashev.
Mańǵystaý oblysy
