Foto: Ashyq derekkóz
Aıyptalýshylar Rızýan Qaıyrjanov pen Altynbek Katımov Qylmystyq kodekstiń 99-baby 2-bóliginiń 7 jáne 8-tarmaqtaryna sáıkes asa aýyr qylmys jasady dep tanylyp, ómir boıyna bas bostandyǵynan aıyryldy.
Jaza merzimi aıyptalýshylardyń ustalǵan kúni 2024 jyldyń 22 qazanynan bastap esepteledi.
«QR QK-niń 62-baby 3-bóliginiń 1-tarmaǵyna sáıkes, Qaıyrjanov pen Katımovtyń úkim zańdy kúshine engenge deıin qamaýda bolǵan ýaqyty jazanyń bir kúnine bir kún esebimen tolyqtaı qosylady», dedi sot.
Sot otyrysynda qaralǵan azamattyq talap boıynsha marqumnyń anasy Galına Legkodımovanyń shaǵymy ishinara qanaǵattandyrylǵan. Aıyptalýshylardan 1 955 070 teńge kóleminde materıaldyq shyǵyn óndiriletin boldy.
Budan bólek, Qaıyrjanov pen Katımov jábirlenýshiniń paıdasyna moraldyq ótemaqy retinde árqaısysy 15 mıllıon teńgeden tóleýge mindetteldi. Sonymen qatar memleket kirisine 21 517 teńge mólsherinde memlekettik baj óndiriledi.
Aıyptalýshylarǵa sot úkiminiń talaptaryn oryndaý úshin eki aı merzim berilgen.
