Foto: Joǵarǵy Sot
Qaıǵyly jol apatyna baılanysty qylmystyq is Abaı oblysynyń qylmystyq ister jónindegi mamandandyrylǵan aýdanaralyq sotyna túsken. Qazirgi tańda materıaldar aldyn ala tyńdaý kezeńinde qaralyp jatyr.
Sottyń baspasóz qyzmeti negizgi otyrystardyń ýaqyty áli belgilenbegenin habarlady.
Aldyn ala tyńdaý barysynda istiń materıaldary egjeı-tegjeıli zerttelip, taraptardyń tizimi naqtylanady ári isti máni boıynsha qaraýǵa daıyndyq júrgiziledi. Aldaǵy sot otyrystarynyń kestesi bekitilgennen keıin qosymsha aqparat usynylady.
Esterińizge sala keteıik, qaıǵyly jaǵdaı 19 tamyz kúni bolǵan edi. Kúdikti júrgizýshi ustalyp, ýaqytsha ustaý ızolıatoryna qamaldy.
Sonymen qatar qazan aıynda Besterek aýylynda osy apattan aýyr jaraqat alǵan qyzdyń aýrýhanada kóz jumǵany belgili boldy.
