Jastardyń shyǵarmashylyq, zııatkerlik jáne áleýmettik áleýetin ashýǵa baǵyttalǵan keshendi is-sharalar stýdentterdiń tikeleı qatysýymen júzege asyrylyp, olardyń bastamashyldyǵyn jáne azamattyq ustanymyn aıqyn kórsetti.
Qaladaǵy 35 joǵary oqý ornynda 150-den astam is-shara ótip, 40 myńnan astam stýdentti qamtyǵan. Shyǵarmashylyq keshter, ıntellektýaldyq oıyndar, sporttyq jáne ekologııalyq aksııalar, qaıyrymdylyq bastamalardyń árbiriniń ózindik taqyryptyq baǵyty boldy.
«Zań jáne tártip», «Taza Qazaqstan» aksııalary aıasynda Taza Campus chellendji, StudSport olımpıada júldegerleriniń dáristeri, Jas IQ zııatkerlik oıyndary, kınokórsetilimder men akýstıkalyq keshter ótti. Sonymen birge «Almatynyń úzdik stýdenttik toby» anyqtalyp, baıqaýdyń júlde qory 1 mıllıon teńge boldy.
Aıta keteıik, shahardaǵy 35 joǵary oqý ornynda 210 myńnan astam stýdent bilim alyp júr. Almaty eldegi eń iri bilim berý ortalyǵy, jas býyndy jańa beleske yntalandyratyn bilim qalasy.
