Foto: Ashyq derekkóz
О́rken» KeAQ prezıdenti Elena Sákenovanyń atýynsha, ata-ana bala ómiriniń bir bóligine aınalǵanda ǵana bala qoldaýdy sezinedi. О́z-ózine senimi artady. Osyndaı senimdi qarym-qatynas emosıonaldy jaǵynan turaqty, baqytty bala jáne úılesimdi otbasynyń qalyptasýyna yqpal etedi.
Baǵdarlama aıasynda ata-analarǵa arnaıy daıyndyqtan ótken pedagogtar men psıhologtar dáris berip jatyr. Búginde elimizdegi otbasylardy «Tárbıeleý – jeke úlgi arqyly» jáne «Balalardyń qaýipsizdigi – eresekterdiń qamqorlyǵy» sııaqty taqyryptar tolǵandyrady. Osy taqyryptarda ótken sabaqtarda ata-analar senimdi nyǵaıtý, balamen emosıonaldy baılanys ornatý jáne táýekelderdiń aldyn alý boıynsha paıdaly keńester alady.
Saýalnama nátıjesi kórsetkendeı, búginde ata-analardyń balalarymen qarym-qatynasy jaqsarǵan. Zertteý suraqtaryna sáıkes, ata-analardyń 72,6 paıyzy balalarymen kúnde sóılese bastaǵanyn, 89,6 paıyzy qıyndyqtarǵa der kezinde jaýap berip úırengenin, 78 paıyzy balanyń ortasyn jaqsy tanı bastaǵanyn atap ótken. Al árbir ekinshi ata-ana tárbıeleý tásilin qaıta qaraýǵa daıyn ekenin bildirse, shamamen úshten biri balalardyń oqý jáne mádenı damýyna belsendi qatysa bastaǵan. «Adal Azamat» baǵdarlamasy aıasynda 2023 jyldan bastap elimiz mektepterinde ata-analarǵa pedagogıkalyq qoldaý ortalyqtary jumys istep jatyr. Ortalyq ata-analardy qoldaý maqsatynda balany tárbıeleý men damytýǵa baǵyttalǵan is-sharalar ótkizip, praktıkalyq quraldarmen qamtamasyz etip keledi.
